بعدك حلو ؟
شال الجنح ودّوهنت
لا كسر بالدم وانتجي ، ولا نبض يشبه خلكه
احرك بعمري اعل الدفو
همّيلا اذم برد الوكت واتونس اعل الحركه
صوبين احزّم بالنفس
وتلكّه دكّات الكلب صوبين يم كل شهكه
بعدك حلو ؟ لو سايست عودك وجيت بحنّه
الباب مو للدك تره . الباب الله استاهده يسولف مجان الفركه
يا فيض كرّب كعبتك زاير تنانير الهوه
اتعناك للمامش حجي
شفتك غفيت اعل الحلم
جا يمته تكعد للبجي
وحدي اعل وحدك تنعكد
واثنينة ندوّر ضوه
جا ليش وي ذاك النده تسولف بزلّنه الماروه
وألمن روه ؟
تكتب رسايل للكبر والموت نسوانه شكثر
مرّة بهلا ، ومرّة بكمر
مرّة الشذر ينسه التوابيت الأجت مستاحشه بطيفك خمر
ومرّه الدفن يشبه عواهر غافية بحضن الفكر
وحدك مظفّر ياشعر
نسيتني الجانو غنه
واتذكرت شيلتهم
شالو علك وانرد حرز
بس لملمو شيبتهم
ومامش بعد نثية مطر
حتى امطر بغيمتهم
عباس الغالبي
رد مع اقتباس
