كول انه شاعر_حسين الساعدي
كول انه شاعر
كول
كول انه شاعر
وينك تعال وشوف ذيب السواتر
متقصد ابهل يوم كَسر الخواطر
الرفع خشمه ايصير بين الحوافر
لتغلس ولتكول بس الله ساتر!
ما فازَ باللذات
غير اليخاطر!
اتحزم الهجمات
تعمي النواضر
رايح تجيك ابيات
مثل العساكر!
توجع مثل بزات
عين الكواسر
فنك تضل ساعات
قبل التفاخر!
بس لا تخون الذات
لاجل المضاهر!
وتغط بعد غطات
ويه اليناصر!
وتجيب المخلصات
من الدفاتر!
ما أرحم البذات
والطبعه غادر!
انه الأكص كصات
طول الاضافر
تشهدلي الشمات
يوم المخاطر
غيمه وأزخ زخات
بس بالمشاعر
واحجيلك احجايات
مثل الجواهر
تسولَف ابكعدات
عند العشائر
امترجم الهيهات
من اليكابر
ومغصص الغصات
وسط الحناجر!
لو وافقت وتكول هذا انه حاضر
عندي الك شرطين قبل التناضر
تقسم قسم لناس تكتب مباشر!
ما الك حق اتعوف بيت اعله باجر
والثاني كون البيت مثل الخناجر
حتى تزيد اقبور من المقابر
ماكو بعد بالريش يوم التناحر
لازم يصير ابهاي نصب الجوادر!
كول انه شاعر
كول
كول انه شاعر
حسين االساعدي
رد مع اقتباس
المشاركة الأصلية كتبت بواسطة فقار الكرخي
