احب الاصدقاء الى قلبك بالدرر طبعا
ما عدايه اني
احب الاصدقاء الى قلبك بالدرر طبعا
ما عدايه اني
هواي وسامالمشاركة الأصلية كتبت بواسطة وسـام
اهلا ادريس
اهلا بيك ضلعي
اهلا ادريس نورت
شنو مهنتك الحالية ؟ حبيتها؟
حالتك النفسية اشلونها مرتاح بهالدنيا ؟ اكو اشياء تنزعج منهاوتتمنى تتغير؟
عائلتك شنو تعنيلك؟ وبالذات اللي ابالي
اهلا ادريس
منور الكرسي
راح ادخل بالاسئلة گبل لان اليوم فارغه كولش
أوك ماشي متفقين سوزانه
سؤالي الاول بشأن نصوصك الادبية
الاحظ خيالك واسع والك قدرة فائقه على السرد والتأليف وهذا واضح من خلال كتاباتك بقسم بقلمي ..شنو السر بهذه النصوص هل هي من وحي خيالك ام تجارب مررت بها ؟
عشت سنين هواي بين أربع جدران .. تعلمت اكون صديق نفسي .. الأنس بدون ناس كان شيء صعب ..مع مرور الوقت تصالحت من ذاتي وبديت أفهم روحي ولان اني انسان عندي طاقة وما كان عندي سبيل اطلعها ب ارض الواقع بديت اكتب .. وارسم ..
الكتابة اخذت حيز اكبر وكانت الورقة مثل الحضن الي يخفف عني حمل .. وامي كانت تشجعني دائماً
بدايتي بالكتابة عمري ١٢ سنة
اما
السر يا سوزانه أني اعيش المواقف بكامل مشاعري .. ما اتغاضى عن التصرف الصغير
أنتبه لاقل التفاصيل
الانتباه بالكتابة ديطلع نعمة .. بالواقع هو صايرلي نقمة
يعني السر : احفظ التفاصيل عن ظهر قلب
سؤالي الثاني بشنو تفكر؟شنو طموحاتك واحلامك ولوين اتريد توصل؟
أفكر أنو امامي عمر طويل
احقق بي احلام امي واطمئن عليها واخليها ترتاح
وارتاح ثم اتوجه لنفسي وابحث عن السلام ...
أحلامي بسيطه ( أخلص دراسة واكون ناشط بحقوق الانسان والحيوان واخدم الانسانيه )
قبل كم سنة اتذكر انك ابتعدت عن المنتديات وعن اصدقائك ونسيتنا !! شنو كان السبب؟
هل مرة ح اصدقكم القول
فعلياً كنت مريض جداً لمدة شهرين ..
صترلي بيهم خلل ب أعصابي النصف الايسر من الجسم ..صدمة عصبيه تحولية .. وامور اخرى ما احب اذكرها ..
أني مكنت ب وعي تام حتى اذكركم او أكدر انو اتواصل
كانت حياتي عبارة عن علاج .. ومنشطات للدماغ وابر بليل تخليني انام ..
من تحسنت انفجعت ب موت كرار .. بالفترة الزمنيه العدت .. ب رسوبي بصف سادس علمي
وهواي احداث
انتكست مرة أخرى ..
الدكتور نصح اهلي ابعد عن الماضي واكمل ك شخص جديد .. وفعلياً بعدت بسبب اهلي وخوفهم عليا ولانو كنت تعبان من مواجهة الواقع الجديد وردت أتجاهله .. مر الوقت وواجهت كلشي ورجعت
شوف همه هوايهاحب الاصدقاء الى قلبك بالدرر طبعا
ما عدايه اني
بس اكثر شخص وكفلي وتحملني بحياتي
هي
زمرد الشمري
دخلت علمودك اسال سؤال واطلع هههه
عندك عالم بداخلك ؟؟
تروحلة باوقات اللي ماعندك شي او نكول تهرب من عندة عايش بيه من الصغر ؟
مرة دزيتلك هالكلام بتقييم ومجاوبت
انتبهت عليه ؟ اذا انتبهت ليش ما علقت ؟
ادريس المحبوب منور
سؤالي شكد اكثر عدد قتلت اببجي؟
شنو مهنتك الحالية ؟ حبيتها؟
مصور ومصمم جرافيك دزاين ب أستوديو
أحبها لكن أريد اطور وأصير بمكان احسن
حالتك النفسية اشلونها مرتاح بهالدنيا ؟ اكو اشياء تنزعج منهاوتتمنى تتغير؟
هههه شوفي اريد اكول مرتاح بس هو اعتراف ميصير اجذب
ممرتاح بس انو اني افرح نفسي واضحك واصنع جو فكاهي فهل شيء يساعد هواي وميخليني احس ..
اكو هواي اشياء تزعج بس ما احب اغير كلشي ! بالنهاية لازم نتقبل وجود بعض المنغصات
لو ردت اغير شيء
كنت اتمنى انو الناس تبطل تبيع مثاليات والشريف يكون هو الانسان الي ميحجي على غيرة ويطعن بيه
عائلتك شنو تعنيلك؟ وبالذات اللي ابالي
عائلتي هي أمي .. روحي وحياتي
الي مستعد اضحي بكلشي لخاطرها .. انسانه ما اعرف شلون هيج نقية !
شنو تعنيلي ؟ تعنيلي الدنيا
اخاف يا سوزان يجي يوم وافقدها .. ح اكون غريب بالدنيا
والله مرات اروح يمها اتأكد هي تتنفس هلكد ما اخاف عليها
واحط راسي يمها واسحب نفس وارجع لمكاني ..
.
.
اللي ببالج هم يعنون الي بس اختلاف الرأي والتعصب المذهبي
وكون طرقنه مختلفه ما يخلينه على وفاق ودائما ب نزاع واني اتهرب منهم ههههه لان ما الي خلاك مشاكل أبداً
