هنا

[يحيى السعدون]

السلام عليكم


كيف تتعامل مع الغضب ... وهل تتمالك نفسك

[إدريس]

قبل ما اروح اشوف لعبة برشلونة وريال

هذن كم سؤال عالطاير
وباجر اكمل
ههههه الله يستر وهلا بيك نورت حبيبي


1 . ادريس تكدر تشيل كونية طحين
وتعبرها الشارع
ههههه هو منو الي يشتغل اشغال شاقه غيري ؟
اصلا هل شيءطبيعي
ومن نشتغل بالبيت ما نجيب عمال واني واخوية الي نشتغل
من أني صغير هيج :/
اكو جهاز اتخلص بي من المي الي يتجمع بالحفر الكبيرة الي يتجمع بيها الماء
اسمه الغطاس .. اللك وكيلك اثكل من كَواني الطحين ههههه
وبعدين تعال ترة اني حياتي مليانه شغل من زمان .. تتوقع واحد من محافظة ريفيه ! يكضيها عايش بقصر وميشتغل


2 . ديالى شنو سالفتها
يومية نسمع بالاخبار انفحارات وداعش
متحجيلنا شنو السالفة
والله اني نفسي ممفتهم ههههه
لان اني ما اكدر ابتعد عن مكانات معينة
كوني من عائلة كلهم بالدولة
اني الاعرفه هو ع الاطراف يكولون اكو داعش بس هو ماكو شيء( داعش من الاهالي )


3 . تعرف تفصخ رشاشة لو مدبرها
اني ما تستهويني الاسلحه .. اعرف اسحب اقسام واضرب ومجرب .. اما سالفة افصخ سلاح لااا ..
بس جنت انظف اسلحة والدي ب العدة مالته (هو يفصخه) وهاي من زمان قبل شكم سنة ..

4 . تعمل بأمور التصوير
شكد يوميتك
اي الله وكيلك اخذ عشرة الاف هههه وبالكوه ممشي اموري .. ودا ادور غير شغله لان مديكفن للشيء الي اشتغلت بسببه

5 . صدام حسين يكول ثلثين الطك لأهل ديالى
عود صدك جان يحجي لو هيج ينفخ بيكم
والله ههههه هوه شطيح حظها لديالى غير السلاح والعشائر ؟ ان تحجي كلمة يكلك اني من فلان مكان وفلان ابوية لو اخوية .. عدك علم اكو مناطق قريبة من عدنا
ان تعاركوا
ينصبون عبوات لبعض ويخطفون اطفال بعض هههه
.. عدا التهجير وهواي امور

6 . انت من تسمع مشكلة من طرف
كبل تحكم
لو تسمع من الطرفين
جبناها على سالفتنه
قبل جنت كبل احكم هههه ... هسه لا
فهمت ان الانسان يحجي طرفه ويعززه
حتى تتعاطف وياه .. او ميريد يشوفك بالجهة المعادية
شلك بسالفتنه خل ننساها

7 . اذا احطك بدال سامر
تكدر ادير الدرر
لو تكلبها بينة
مو كبل أسيطر .. بس بعد كم عملية اعدام ب شريط الاهداءات كدام الاعضاء أسيطر هههه

...

8 . البشر شوكت يكتمل عقلة برأيك
هو مكتمل عقله هههه ..بس انو يكتمل نضجة ان اخذ عبرة من الدروس الي يحصلها من تجارب الحياة ... ف يكتمل النضج غالباً من الصدمات القوية ..


9 . تعتبر نفسك انسان ناضج
لو بعد يرادلك
ناضج ..لكن مو النضوج المطلوب ..يعني اطمح للاكثر
لساتني اتعامل مع مواضيع ب رعونة ...
لساتني أتأثر من مواضيع معينة مثل الاطفال هههه
يعني مشواري طويل يا كاكا

10 . اوصف مدرس الرياضيات مالتك بكلمة
مفادني بشيء ههههه
خلف الله على الدروس واليوتيوب والطلاب
والدفاتر الي تعبت بيها حتى اكتب تلخيصات




ادريس هاي ملاحظة
دماغي ميستوعب اجابات عالطاير
اتمنى ان تكون اجاباتك مفصلة
عصرت عقلي عصر الله وكيلك ههههه
مكدر اكثر من هذا


زنوبة مو تغلقين الموضوع
ترة اهجركم

نورت فقار حبيبي

[ملكةه]

هاي شنو
زنوبة الخبيثة ليش ماحجيتي
او دزيتيلي الرابط

انت ما اتابع

[um_mustafa]

الله يعينك ادريس
ماله داعي اسال الشباب كفو وفو

[إدريس]

ههههه شجابك ع هالناس الميخافون الله .. اتقوا الله يا قوم

لا همه يخافون من الله
بس ميخافونه بيه

[إدريس]

السلام عليكم


كيف تتعامل مع الغضب ... وهل تتمالك نفسك

انا هادئ غالباً واتعامل ب روية ..
احيانا يفوق الامر قدرتي ..

[إدريس]

الله يعينك ادريس
ماله داعي اسال الشباب كفو وفو

الله يسلمج
ههههه اوكي

[ملكةه]

اسالني سوال
من جنتي صغيرة
جان اسمج جوهرة واسط
وجنتي تنزلين صور رسائل مكتوبة بالايد وبيها سوالف حب
هاي بقلمج ... والمن جانت تندز ..لو متندز؟؟؟

اويلي وين اجه ع بالك
اي جنت اكتب سوالف حبجيه وكذا مشاعر مراهقه لكن هسه كبرررت وعقلي اكبر من هالشي

[فقار الكرخي]

تتوقع واحد من محافظة ريفيه ! يكضيها عايش بقصر وميشتغل

شنو قصدك اهل بغداد مايعين مثلا
لو شنو

[فقار الكرخي]

استراحة مابين الشوطين
الله ينطي راكيتش

س

1 . شنو تفسر اكو عضوة متسئل
بس تتفرج بالموضوع


2 . تكدر تروح من بيتكم للديوانية مشي


3 . اشرحلي عملية الوضوء
اريد اتعلم منك شلون اتوضى


4 . اذا هسة انت تزوجت
وكعدت انت ومرتك ابيت وحدكم
ادبرها
لو تبقى حاير منتدى وببجي
وتموتها جوع




بدة الشوط الثاني
بعدين ارجعلك