هنا

[Legend of fall]

عند التقديم الى قسم اللغة الانكليزية كان هناك اختبار ...
اجة واحد اسمه " رضا صغير سيد"
ساله الاستاذ what is your name
جاوبه : Ridha Small Mister

[♪ Chandler Bing ♪]

على نفس الموقف وياك سويته بصديق الي
طلعنا مرة من الكلية كروب ناكل موطا گلتلهم موطتنا اليوم على سيف هو يدفع كال باوعي بس ذن الالفين عندي لاتورطيني وجانت ع الشارع مرة تگدي اني بسرعة خذتهن وخليتهن بحظنها بعد ما اتذكر وجهه كم لون صار وعفناه وعفناه ولا ربع

ههههههه ما أعتقد ضل يمشي وياكم ليهسة

[زهرةالنرجس]

هههههههههههههه قويه

[Sωeeτ]

عند التقديم الى قسم اللغة الانكليزية كان هناك اختبار ...
اجة واحد اسمه " رضا صغير سيد"
ساله الاستاذ what is your name
جاوبه : Ridha Small Mister

دا انكليزي يا مرسي

[فواطم الصافي]

عندي جيراني يومية يرجع وجه الفجر وما نريد نگول وين مگضيها خخخ ، بيوم من الايام گاعدين اني و ابن عمي بالحديقة تقريباً بـ ٤ الفجر و سمعت صوت سيارة طبگت يم باب بيتنه ، فـ گلت هذا اكيد جيراني خلي اطلع اشوف شخباره ، طلعت لگيته فاتح ضوه بيده ويدور بالسيارة ، كتله ها شبيك گال تعال دور ويايه تلفوني ضايع ما ادري وينه ، اني هم ماقصرت گمت ادور جوه الكشنات بعدين گلي ما تدك عليه خلي اشوفه وين صار ، دگيت وطلع بيده هو اصلاً فاتح فلاش مال موبايله وثنينه گاعدين ندور عليه ، صفنه واحد بوجه الثاني ، گلي هسه اني منسم انتَ متگلي شبيك ! هههههه

متت متت

[فواطم الصافي]

ابن عمتي عنده محل بمنطقة شعبية بالكوت ، اجته عجوز عندها دجاجتين مربوطات رجليهن، كالتله يمه اريد تذبح لي وحدة ، ابن عمتي كال اكص الرجلين هم ؟ كالت اي ، هو عجوزي ما فتح رجليهن، فذبح وحدة و كص رجلين الدجاجة العدلة، الحجية كام تعيط، كاللها على كيفج قابل ترديها تتمشى وياج العصرية ؟؟
المهم ابن عمتي هسة مزين أكرع للتخفي و عزل المحل ، طلعت الدجاجة تبيض ذهب ، و الظاهر راح يشتريلها كرسي متحرك

من الضحك دمعت عيوني

[فواطم الصافي]

فد يوم بالكلية توني متعرف على بنية و اول موعد الي وياها
كاعدين و بمحفظتي الف دينار فقط ارجع بي كروة للبيت
بهاي اللحظات اجه ولد صغير يبيع شوكلاته و لطش بعمري الا تشتري
المشكلة اني اشتري بالألف ما عندي مشكلة بس شلون اطلع المحفظة الي بيها بس هذا الألف كدام البنية
بالدفرات طلعت الألف من المحفظة و اشتريت منه تعال منين اجيب كروة كعدت بباب القسم اجدي
هذا الموقف المضحك المبكي ما أنساه ابد مر عليه تسع سنين

عزه
حسيت أحشائي وشراييني وأوردتي وكل أجهزة جسمي رح تنفجر من كد الضحك
مريت بموقف مشابه نسبيا
ذكرني أحجيلكيا

[Legend of fall]

قمة الفكَر لما انت داخل كورس جيم قوي و لما تنعزم على عشا في عرس و تقرر تكسر الدايت لوجبة واحدة ( بيومها لا ريوك و لا غدة منتظر هذا العشا) ، و تاليها يطلع المدرب مالتك موجود بهذي العزيمة ...

[zeto]

أخر يوم بالفاينل.. اني وصاحبي عود جاي نشرب ماي وكملنا، واحد ضرب كاسة الماي مال الثاني وصاح نخبك.. ما نحس بس لن المراقبة واكف فوك روسنا وتصيح عزاااااا العزاكم.. بوكتها حسيت روحي صدك دخت.

[تّـفـاَصيلـٓ]

جدتي ام ماما ومرت اخوها ال جدتي كاعدات بفاتحة اقاربهم سوة ف الاثنين مريضات وتعبانات حيل ف جدتي ضاجت من النسوان كل شوية سلام وهيج وهي مابيها كل شوية تكوم والخ ذيج مرت اخوها هم واكثر من جدتي بحيث اذا تتعب ادوخ ف رايحة خطيه (مكرم القارئ) الى التواليت من رجعت مباوسه جدتي ومسلمة عليها شلونج شلونج زينة صار شكد مشايفتج ماما وخالتي طلعن من الفاتحة من المستحة علمود يضحكن