خخخخخخخالمشاركة الأصلية كتبت بواسطة فواطم الصافي
هاي مره نزلت من سيارة ستاركس جنت راجعة من الإذاعة وعباتي شكلت بالباب والسايق تحرك وآني كمت أركض ويه السياره أربع خمس ثواني وجان يشوفي رجال بالسيارة وجان يصيح .. بس آني شنو .. هلكانه هلاك من الضحك
زين دتخيل موقفج
هاي أبويه قبل فترة راح فد فاتحه
أبويه جان متخربط وصاير عنده هبوط فشاف صديقه بالفاتحه
جان أبويه يروح يصافحه
أبويه: ها شلونك أبو شهاب شلون صحتك الأهل .. الوالد الوالدة
جان الرجال يباوعله ويكله أمي من زمان منطيتك عمرهه وهاي الفاتحه مالت أبويه
يكول أبويه الناس تريد تلزم نفسهه من الضحك بعد متكدر خو إلي غصو بالجاي مينحسبون
التعديل الأخير تم بواسطة فواطم الصافي ; 1/March/2019 الساعة 1:16 pm
طلعت من الصفهههههه زين هي شكالتلج
سنة ٢٠١١ صديقي چلبلي تعال نروح للاردن بالطريق البري ، گتله يمعود الانبار اوضاعها موزينه مالنه خلگ نتسلب ، گال عيب عليك تحچي هيچ اني ابن *** منو يسلبني بديرتي (هو من الانبار)
عبرنه طريق ١٦٠ و چان تلحگنه سيارة، گتله ها ابن *** راح يسلبونه بديرتكم مو صوچك صوچ الي اجه وياك
، المهم صار عصبي شون يتسلب بمحافظته ، گوه خلصنه منهم ، افتر ورجع للرمادي گال هسه اروح لمظيف شيخنه اشكيله شون هيچ يصير بينه
، وصلنه لباب المظيف لگينه نفس السيارة الي رادت تسلبنه طابگه (اعمل نفسك ميت و لف وارجع تاااني)
سنة ٢٠١١ صديقي چلبلي تعال نروح للاردن بالطريق البري ، گتله يمعود الانبار اوضاعها موزينه مالنه خلگ نتسلب ، گال عيب عليك تحچي هيچ اني ابن *** منو يسلبني بديرتي (هو من الانبار)
عبرنه طريق ١٦٠ و چان تلحگنه سيارة
هاي قبل كم سنة
نهر دجلة كلش قريب على بيتنه
بأيام الجان ماكو كهرباء
رحنة اني وصديقي نسبح بدجلة
نزعنة هدومنه وجيتنه
كالي فقار خل نعبر النهر سباحة
والله عبرنه سبح طلعنه من يم مدينة الطب .
ارتاحينه شوية وكال يالا خل نرجع
رجعنة لكينه هدومنه ماكو
ومن الساعه ب 3 الضهر كاعدين عالشط بطرك الشورتات لحد الوحدة بليل
الى ان خفت العالم ورجعنه حفاي للبيت وبطرك الشورت
ويافشلة الفشلة كم واحد شافني
وصلت البيت لكيت الهوسة ابابنه يدورون علية
وطبيتلهم مصلخ
شافتني امي كامت تصيح يبووو ولكم مسلبينه
اخوية يباوع . يكول اني الاعرفة
الي يسلبو يسلبون فلوسة موبايلة مو حته بنطرونك مسلبي
سوولي درس . كمت من اسبح احط نعالاتي بجيبي
واجيت اني وهدومي
هاي قبل سنة جنت ناشرة ستوري بل انستا عن عمل اتفقنه انسوي انا و زملائي (عمل نشاط مدني ) وجنت احجي ويا صديقتي
والنت ضعيف كلش ف متطلع عندي الصور مال الحسابات
ف فجاة وانا داحجي ويا صديقتي وانشر بل استوري اجه مسج بي جا وانا وين (طلع زميلي رد على الاستوري )
انا كل ظني صديقتي الغباء فول منتبهت للاسم نهائيا ولا لليوز رائساً جاوبت بقلبي وكملت حديث جان تطلع الصوره مال زميلي
كمية الاحراج ما تنوصف انوب السالفة متنركع غبت يومين وعطله وهيج صار سبوع يلا داومتبلكي تنسي
التعديل الأخير تم بواسطة تّـفـاَصيلـٓ ; 1/March/2019 الساعة 3:52 pm
خوش موضوع عاشت ايدكمرحبا دررنا الحلوين
هذا الموضوع للتجارب المضحكة الي صارت بيكم
لكن بشكل مختصر
حتى هم نضحك وهم نخفف من همومنا الي تصير بمعترك الحياة
ومن ناحية نافذة للأشخاص الي ميحبون مواضيع الطويلة
اكتبولنا تجاربكم
١
٢
٣
أنطلاااااق
طبعاً سكتت وغيرت الموضوع وكتله النت بموبايلي انكطع ليييييشهههههههه
انت وراها سكتت مو ؟
ابالي اشارك مشاركة انفلاقية بس خجلانه
رد مع اقتباس
