هنا

[ملكةه]

ان لم تعرف تمثل اخذلك كرسي وصفق للاخرين

يوم الخميس زنوبه ماتكعد راحه

اشترت شريحة اثير ابسكوت و ورطتني وياها

رحنه اني وياها اشتريناها
من رجعنه سمعتنه اختها نحجي ع شريحه
فاختها من حرصها عليها رادتت تكول ل ابوها
وزنوبه نشف دمها وصارت صفره
ومن الخوف لكيناها كاعده ع درج وتبجي
ونصيح عليها ولج زينب شبيج زنيبه كافي شربي مي
استغربنه كلنه تبجي بهستريا كلش
اختها شافتها كالت لها شسوين بشريحه
وهي بلسان بريء وروح حزينه والله علمود اسوي واتساب بي وتلغرام
اختها ماقنعت
كالت الا اكول ل بابا شعدج بالشريحه مو عدج وحده
جان ماحس الا كرصه بيدي وغمزه
وهي ماعت روحها
وكمت اصيح زنيبه وج ازنيبه اصحي
اباوع ع زنوبه حاصرتها الضحكه كوه مسيطره
جان اختها تركض وحضنتها وباستها
وزنوبه سوت روحها زعلانه منها وماتحبها وماتريدها
وكل شوي ادير ووجهاا وتضحك
راحت ركضت ع حمام غسلت وجها علمود لا تشك انو اتجذب

بس كلمة يازنوبه
شلون لج قدره هيج اتمثلين
جا شمالج بالنت ماتعرفين هيج اتصفطين لو علـى اختج الفقيره كادره

عزا شهالفتراء
لج شعبالج ني بس ع اهلي كادره
المثل يكول ابوي ماكادر بس ع امي

[تّـفـاَصيلـٓ]

على طاري المصعد (الدرج الكهربائي )
قبل فتره انا وصديقاتي رحنه مول ودانريد نصعد بلمصعد هن صعدن ٣ وانا الاخيره وراهن جان الزنجيل مال الجنطه مالتي تعلك بل بداية مال المصعد ف ما احس اله شي يسحب بيه وزلكت من ثانيه درجه لل اولى ف يا صرخت صرخة بس الحمدلله والشكر ما وكعت للكاع ولا احد سمعني ولا احد شافني (بس ابو الكاميرات اكيد شبع ضحك عليه ) المهم جان صديقاتي خافن وحده منهن بقت رجليه من الخوف متسيطر توكف كعدت بلكاع من الخوف واحنه كعدنه نضحك عليها
اخر شي دنريد ننزل جان تكول الكم رب والي رب ما انزل بي لو شتصير اريد درج عادي يابه درج ماكو كالت والنبي ما انزل جان الحمدلله انتبهنه اكو مصعد عادي نزلنه بي

[أغرد بهمس]

موضوع يجنن هههه

[حازم البغدادي]

فد يوم صاحبي وياي بالغرفة كلفني اگعدة الصبح... اجة الصبح ابو فلان اكعد ماكو مرة مرتين تلاثة ما كعد هو چربايتة بصف چربايتي عدنة نت اثنينة دكيت عليه بالواتس هوة دوم اهلة ايخابروه الصبح فالغرفة ظلمة صاح الو كتلة الو المشكلة احجي بصوت عالي يعني ينسمع بالغرفة وبالموبايل گالي منو انتة ... گتلة عود اني حازم اللي بصفك اگعد عندك موعد فاني خربت من الضحك وهوة هم ضحك

[um_mustafa]

فد يوم صاحبي وياي بالغرفة كلفني اگعدة الصبح... اجة الصبح ابو فلان اكعد ماكو مرة مرتين تلاثة ما كعد هو چربايتة بصف چربايتي عدنة نت اثنينة دكيت عليه بالواتس هوة دوم اهلة ايخابروه الصبح فالغرفة ظلمة صاح الو كتلة الو المشكلة احجي بصوت عالي يعني ينسمع بالغرفة وبالموبايل گالي منو انتة ... گتلة عود اني حازم اللي بصفك اگعد عندك موعد فاني خربت من الضحك وهوة هم ضحك

ههههه

[د. حسن سعيد]

ههههههههه ولا يكعدون الجماعة

[تّـفـاَصيلـٓ]

طبعا هاي قبل ساعة صديقتي سؤلفتلي شي
انتهيت ضحك انا وماما عليها

تكول ماعرف احجي و اوسيلي شخص واجامل وهيج
فمرة جبرتني امي عدنه خطار اكعد يمهم اقاربنه
ف بقت المرة تسؤلف
وتحجيلي عن هموم الدنيا ومشاكل مرت بيها وهيج
فتكول ما احس اله كتلها:
يلا عادي هو البشر مثل الانسان
من يوكع يطيح

[د. حسن سعيد]

مرة ردت أشرب حليب من هذا الباودر، رحت للكاونتر طلعت قوطية الحليب خليت خاشوكتين بالكلاص وشوية شكر وصبيت المَي فوكاهن، بديت أشربه بس طعمه غريب ويلزك بالكلاص مينشرب بسهولة المهم شربته بالكوة ، رحت شفت القوطية وجان أطلع ماخذ قوطية بيهة طحين صفر مو حليب ومخلي منها بالكلاص

[د. حسن سعيد]

ههههههه جنة الروح مليانة مواقف مليانة تستاهل دبل تقييم

[د. حسن سعيد]

ابن عمي يحچيلي موقف

هو يدرس في جامعة البتراء في عمان ، عدهم دكتور يدرسهم ، هو عراقي (ساعدي) من الجنوب ، بس يريد يسوي روحه اردني فـ يحچي بلهجتهم ، فد يوم من الايام دا يشرحلهم مادة فـ يريد يأكد عليهم المعلومة عود دا يگلهم (مو هيچ ؟) بس العينتين مُصر يحچي اردني فـ گلهم (چا مش هيك ؟) ههههههه يگول الطلاب العراقين تمرغلوا من الضحك و الاردنيين ما يدرون شنو السالفة بس هم ضحكوا ع ضحكنه و انتهت المحاضرة كلنه مطرودين من وره چا مش هيك


تاگ لـ نايا اللبنانية

حجّي أنت هَم طلعت مليان تجارب مليان هَم ينرادلك دبل تقييم