ردي اویای ...
ضل البیت خالي المگبره شتنطیچ ، ما بیهه نفس طرج الشجر والمای ..#
بجفوني عَزه من الفاتحه الهل یوم ، ودموعي اتّسابگ های تدفع های ..#
أشوفن باب حوشچ واگف ایتانیچ ، ماینسد حَلَف لو ما تجین اویای ..#
ألچ صوره و ذچر متربع ابکل دار ، بیهن ذکریاتچ حاضر الملگای ..#
ردي اویای ...
یُما أشگال گلبچ عایفه التنور ، والدنیا ضحئ و ما خدّرتي الچای ..#
یُما ضیوف عندچ هسه شیگولون ، مو زاهب غداهم ونتي مالچ حای ..#
سجّادت صلاتچ ذیچ هیّه أتنوح ، حنّت للحمد من ینقري بهدای ..#
تفخر بیچ عفّت مریم العذراء ، چان من دعاچ الرزق رایح جای ..#
وین ألگه وجه بي جنّت الله أتنور ، لمّن یبتسم تضحک أمل دنیای ..#
ردي اویای ...
حتئ الگاع تنشد والگمر واللیل ، وین اُمک بطت طوّل سفرهه أهوای ..#
أبوس أچفوفمن عند الصبح بلعید ، ما عیّد قَسَم لو ما گعدتي أحذای ..#
أنا أعیوني ابغیابچ حاطهن للبیع ، أنطیهن کسّر لو حصّلت شرای ..#
علي_عايد_البدوي
رد مع اقتباس
