اسنين اتعب وانت ماخذ راحتي
جيت عالخالي وكلت تفاحتي..
انه احبنهه وعلي حد الجنون
ترفه هيه وجنت اﮔلك مالتي..
لا تسولف بالوفه وطبع الرجال
ما اعرفك يل الكسرت امرايتي..
اليطعن بظهر الاخو ميت ضمير
وچنت اظنك لوطحت عكازتي
ناكر العشره ولك والصحبه ذيج
من اموتن لا تشيل اجنازتي..
منجل يحب الورد لا مستحيل
منجل انته واﮔطعت وردايتي..
لثگه تبقى ومايغسلك شط عظيم
لكن يمسحك بياض ولايتي
گطره الگصه اذآ زايحهه هاي
زحمه اﮔولن وي صديقي اطلابتي
رايتك سوده مثل لون الغراب
وبيضه من ريش النوارس رايتي..
رماد طشيتك بعد والدنيا ريح
احچايه وحده وعيب أعيد احچايتي
الشاعر مصطفى جاسم
رد مع اقتباس
