ليش خلينه الدمع ينزل رخيص ؟
وليش كل لحظة جرح نكتب شعر
وليش ذبينه الفرح والهم جبير
وليش رغم اخطائنه نحب نستمر
ليش مذبوح الوفه بلحظة خداع
وليش مات الشوك والحب يحتضر
وليش خلينه المشاعر بس كلام
وبالعتاب شفافنه شكد تعتذر
اه منك يازماني تغيريت
وجسرطبعك صاير وماتنكدر
المشه بصفك خذيته ومدري وين..
والرفض يمشي اتنوله من كل كتر
والغدر ناسه رفعتها عللجتاف
وصاحب الصاحب كضه سنينه عسر
اه يادنيا صدك مابيج امان
وفرق بين اليوم وايام الزغر
جانت كلوب البشر تنصع بياض
هسه لون كلوبهم ماينحزر
ممكن بلحظة يجيك بكل هدوء
وممكن بلحظات يتحول نمر
وانه محتار ويروحي بهالزمان
ساعه اشد روحي مثل شد الحديد
وساعه ألين الروح حد ماتنعصر
وساعه احس روحي على هدومي غريب
وخلص صبري ومابعد بيه صبر
وبيني بين الموت ساعتهه شبر.
قصيدة عجبتني وحبيت انقلها الكم
اتمنى تنال اعجابكم
رد مع اقتباس
