گالتي خل نحلم صدگ
وحددنه موعد عشاگ

وغمضنه وامشينه بحلم
وسوينه ممشه ع الراگ

لبست الاسود والغنج
فاض بسواليف الساگ

وگالتي يلا تأخرت
منتظره جيتك بالحلم
وگلتلها بس اشري ورد
ابيض بلون العشاگ

ولمن وصلتلها بدت
تشبگني وتشمني بعشگ
وتگلي هنياله الضاگ

شميتها بثنية خصر
وشهگيت حرها المشتعل
وگلتلها مابيه فراگ

وعفنه المطر ينزل عطش
وقررنه نرسم بسمة

وگلتلها راح أتاملج
وخليلي ايدج ع النحر
وضوگيني حز اللجمة

گالتي فيّض براحتك
وانه المعوز بالعطش
شديت حيلي بهمة

وخليت ليل الله العذب
نجمة تطگ بنجمة

البارحه هذا الحلم
ولليوم عايش بالحلم
يارب يحقق حلمه





ازهر كريم