خلص عمري وعشت كل المواقف.
انا ياماگلتلك اني تعبان
تعذبني وگلك مايخالف
وتجيني بكل برود بليل خلصان
وتلگاني بطرگ عض الشفايف
وتضحك ماتهمك دمعة العين
ولاجنك بشر بالوحشة عايف
ع واهسمن عشتلك وانت للغير
بذمتمن اگضي الليل خايف
انه اشسويت حتى اتعذب وياك
ورد لو جيتك انثر ع السوالف
مثل وجهك حلو للموت ماشوف
ومثل جرحك ابد مايوم رايف
حبك عرفاني بوحشة الليل
جنت بضحكتي اترس طوايف
شوداني ع عشگ العدهم قصور
انه المسكين من اهل الصرايف
انا المكتوبله يشم دمعة الليل
انا الماجاس كلشي وكلشي شايف
بعد لازم اروح ابعيد وانساك
بعد گلبي تعب مابي يوالف
وبعد سديت بابي ومشتهي الموت
خلص عمري وعشت كل المواقف.
ازهر كريم
رد مع اقتباس
