ضيعتني ومامش ولاية التلمني
والحزن نعشه عله جفني
وسافرت دمعة لغربتي
ضيعتني ومامش ولاية التلمني
والحزن نعشه عله جفني
وسافرت دمعة لغربتي
ما مرتاح ..
ساكت والسوالف بيه مال صياح
انه بگلبي عشگ عميان
وياهو اليفهم ويندل
وانه ادري اليحب باخلاص
كلش بالعشگ ينذل
و اشوف الناس تتغير واكول الصوج بعيوني
شلون اعرفك بعدك اتدور رضاي
شلون اعرفك ما نسيت وعودك
غير اشوف اللهفة بعيونك تصيح
والفرح طش نوره فوك خدودك
شلون اعرفك وانا لو جيتك خريف
ذابل الأغصان يابس عودك
يمي دومك مظلم وموسم جفاف
ويم بقية الناس فايض زودك
تكلي احبك ما احب شخصن سواك
والفعل الكاه عكس مقصودك
انا ما رايد يمين و لا شهود
ردت بس عينك تصير شهودك
وجان چفي إيلاعب النسمه وذره الگذلة
عشب وجان گلبي يريد يگبر
أكبر من اسمه من ذاته ويكره ويحب
جنت أسميگم الذمّة ولسّه اشيلنگم
وسط روحي وصية أبغير حز ما تنكتب
عفيه نهران اشكثر خدران املها ومايها
الراچّذ عذب !
گلب بـ اوراق عمرك
ناس راحــوا
ناس اجــوا
ناس رايدهم يظلون ومشوا
اكو ناس تعوفهم ترتاح منهم
ناس ظلتهم حمل
واكو ناس طيوفهم
تگعد بـ راسك مثل خرخاشة بحجل
عشت
خصله شعر تهوى الشمس وتخاف
يكتلها الذنب
من يضحكلها الطوگ
مبخـوت المطر فوگ النهر لو طاح
عمر ثاني انكتبله
شـعنده عــايش فــوگ
وي كل نبضة فرح تلگاني مشدود
اضيعن وي سمارك لو ردت تنفل
أنه مجربك
من تشتاگ تحضني
حد الما امَيّز هاي
دگة گلبي لو گلبك
لــ ياسر فليح