حمل غربتك واتوكل عليها
وناس الما تقدرك لا تتانيها
وعوف ولايتك ما دام بيك جناح
ولا تبقى بسما مالك عرف بيها
يا گلبي الشلتهم شذر فوك التاج
فرشولك قيامة وكالوا امشيها
ناسك ما تشبهك لا تضيع يوم
وي الما يعرف عيونك شبيها
ما دامك الماي اغتاض لا تحتار
المدن هي التتبعك لاتمر ليها
مولح كاعها الما حمدت الله عليك
فكدك باجر يبين بشاطيها
ليحجي #بضهري مو من مستواي
#مرايه موجوده ويباوع #عيبه
ما #طلعت ابد بزود ناس
ولاماشيت انسان لخاطر #جيبه
مرات القطار يصير راحة بال
للعنده گلب متعوب
ومرات الشمع من يحترگ يرتاح
يخنگ شكو براسه ذنوب
وانه استعجلت سميتك المحبوب
مات وعاف بــيه دمــوع مشــتاگ
الله يســاعــده الــ يدفــن حبـــيبه
اخــذ مــني حيــاتــي وسـافـر بعيــد
ﭼــنه ثنـين هيــبه گــبال هيـــبه
لـــ وليد الخرساني..
تانيت الحلم يرجع واشوفنك
نبي وقران ما تذبل معانيك
تانيت الوطن ينجاس
حتى تهب طواريك
يلبدمك رسمة الحيل ترجيه
يلبعينك شلة بغداد وابنيه
علامك طولت ع العيد مو تدري الكمر
نحتاج طاريه
يالعلمتني أعله الروح تجرحها وك ليش
جرح اليصيب الروح
يتضمد أبيش
الحلوة البيك تبدي تموع
لو گتلك صباح الخير
الحلوة البيك بس عندك
ما موجودة عند الغير
بعد كلشي انتهى والعشك جزيته
وضميته الدمع.. للسافر انطيته
وخلك وحدك.. عد النجم بليل
تلكه اجم جرح ب البال خليته
مو هيچ اليروح ... افهمني هاي گلوب
ترى ينيشن مكانه البدوي من يرحل
شمدريني العيون شما حلت تنباگ
چا ضميتك بنص گلبي من اول
وحگ ذاك أليعدي ألليل
نايم كلشي ماهيس
أنة جروحي
جرح مايدري شمتاني
وجرح فاته ألوكت أيس
ومن شفت الخضر ماطاح
رديت اعله الميبس
- محسن الخياط
