هنا

[فقار الكرخي]

شلون اتوب
وانت خصرك وحده مسويني كافر

اعترفلك جنت اضيعن بيك
والواهس يدليني وشبگك

وهسه لا ضليت اندل
وجدت شامة ع خصرك

گمت اجلب عيني بيها وما اتيه

دخيل ربك...
هاكثر ..شامات مشموره دلايل
فوگ جسمك

دخيل جسمك
بيك صحو الضيايعين
وذوبت البرحي ع شفتك

دخيل شفتك
بيك اذوبن من تذب گدامي لثمك

خايب ترخص من الوردات وتمشى ع دربي
انا اريد اليوم يمك

رايد بصدري اثر نيشان سهمك

ورايد اتوضه
وصليك واشمك

وبيك اشطب وجه حزني
الصاير مراية الجروحي

رايد احفظ رمش عينك
واترك بدايرها روحي

ورايد شويه غنج
وترهدن وكومة وكاحة
تشيل كل دمعات نوحي

اي يبو الوجه الصبوحي
رايد اثيابك اشمها

ورايد الاهات التشهي البشر
بيدي المها

رايدك وحدك اليه
مايشاركني بودادك
وجه المراية وحزنها.




م

[*RÂყÂм*]

دائما مبدع
احسنت

[سمراء من قوم عيسى]

أنتقاء جميل

[Nazkul]

الله...حلوة

[kian al-basrawii]

روعه

[آيـــــة]

رائعة