حاسبهن عدل جم طعنه بگفاي
واعرفها الچفوف الماخذه الدور ..
وكلت ذنب الخناجر موش الچفوف
وصحت جف الصديق بهايه معذور
عله اوتار الجرح كلهم يعزفون
ساكت وانه اعرف الصوت والطور
فلم رادوني اصير وفرجه للناس
وباچر من اطيحن ينتهي الدور
اجيهم وانه اضحك رغم الجروح
ويطبون بحياتي طبت أكبور
وجع بالروح مدري شبيّه ياروح
مامكسور لكن گلبي مكسور..
يعجبني الذنب لو بالوفى يكون
نهر ممتد واعرف بگاعهم بور
طيبة شجرة عندي شما يذمون
ماتقفل غصنها بوجه الطيور..
بس الطبعه حاقد يكره الناس
والخفاش كلش يكره النور …
الشاعر مصطفى جاسم
رد مع اقتباس
