تعال الروح تفرح لو ﮔلت جاي
تعال ايامي ظلمه ابعدك هواي..
اريداً من قميصك ساعة الضيج
اخاف عيوني تعمه ريحته دواي…
منشوفك انته يمي دنيتي اورود
واصيح افيش والله كونك وياي…
جسر روحي امدها لو گلت جيت
انه العاشگ عشگ مامثلي وفاي..
اليدور دمي يلگه صورتك بي
العشگ حددر بگلبي بلهفه عناي…
تعاند بيه انته معاند الباب
مقفول واريداً فتحه بهداي..
خلگ فقره وصبرهم صابر تعود
وتدك روحي الشمس چن دگه بچلاي
مرسالك انطره مناطر العيد
يا اول عشك حبيته بصباي..
شعلت شموع بلكت هزك الشوك
مهو البدوي تطربه ونه الناي…
انه امدوهن تراني بعدك اشبيك
عله زلوفي فراشه اتسير افياي..
يم جرفك حبيبي اعطش اشلون؟
ومايك يروه منه الرايح وجاي.
وحگگ والترافه الشايل وعين
يا عمري وحياتي وهايه دنياي..
اريدن هوا زلوفك يغسل الروح
بس كونك تردلي شلي بالماي
الشاعر مصطفى جاسم
رد مع اقتباس
