امشي ابلا شعور وفجأة ألاكيك
واشوفنك واعرفك وابتهج بيك
واحس الوكت يمك يكضي نظرات
أمبارك بس اباوع ما احاجيك
بعيوني حجي واللسان العيون
من اتمر عليه اشكد تناديك
أسألك هم سمعهن كلبك ابيوم
لو كلبك صخر وبصمته عاديك
هم مرك عشك هم شفت الاشواك
هم كلبك يدك حيل امنلاكيك
وهم جاسك حنان وعلي حنيت
واكسر خاطرك من اصفن اعليك
وهم ترجف اذا طاريي مر بيك
مثلي ومن يمر يرجفني طاريك
ابسجلاتك اسألك اسمي موجود
بيدك ما كتبته وظل يناديك
ترست الكون بسمك تدري لو لا
وصرت ابكل مكان اكتب واسميك
على الحيطان اكتبك وحتى عالكاع
ومتروسه الدفاتر وين الخليك
وخليتك ابكلبي وعشت وياي
اذن واجب عليه ابروحي اداريك
كل هذا الحجي بعيوني تلكاه
تعال انظر ابعيني واني ادليك
يمته بعيني تنظر حتى ادليك
**********************
تحية حب واخلاص,,,,,الشاعر// حسين العقابي
رد مع اقتباس
