ماكو راحه!_الشاعر حسين الساعدي
ماكو راحه!
عركَت الدنيا ابخجلها
ومابكت بالمستحه كَطرة كباحه !
لا زغير العنده حوبه ولا جبير البي سماحه !#
ماكو راحه !
نسمع ابطاري اليوافي
لجن محد شافه يوم ويقطع ادروب التجافي,,
#ردنه
يحجي
اويه الوكت
ويكَله كافي ؟
بلكت ايرد بينه لأيام العوافي ؟
#ردنه من
الموت
ينطينه إستراحه ؟
ماكو راحه!
صارت النظره وكيحه
وكلها تفرح بالفضيحه!
الورده كد ما لامسوها
هسه أبد مابيها ريحه!
والحزن يشتل مأسي وحوسم ابكل المساحه!
ماكو راحه!
ابكثر ما دنيانا ناقصها الحنان ،
هاكثر نبجي
عله ذاك الزمان !
ضلت ادموع التفرزن كل مكان!
وكل مكان
ايريد من عدنه الامان!
من ادينه
الصار بينه
الزمن سولفها ابصراحه !!
ماكو راحه . .
#همه كالو مايصح
الا الصحيح..
واجهتهم بالحجي وصوت الصريح
ذبو التهمه اعله وكتي ومثلوا دور الجريح!
جاملتهم
انه من ما جادلتهم,
خفت هيبتهم تطيح#
رغم ما بعيونهم ذيب الوكيح!
# شوهوا
وجهك يوكتي
وجملوا وجه القبيح!
ذبوا اعليك الوكاحه!
#اشكثر
لاموا علينه
ابيوم بالنوح ابلتلينه,
وهمه أسباب النياحه!!
ماكو راحه
ماكو راحه
حسين االساعدي
رد مع اقتباس
