هنا

[اشراقة امل]

لاتعزف يَحالوب السمچ مات
وبعد مامن تهادی ولا رگص
ومن معجم الديره انشال شي اسمه گنص
واعلی شطنه هبت أرياح الغدر
واتطررت ذيچ المرايا الچان بيهه ايشوف گذلاته البدر
وبعد مايکتب الشاعر غزل
لَمَّن يمرگن من کتر شطنه السمر
والله والله
بعد مايعبر المشحوف من وسط المدينه
و بعد ماتگعد ام امير اعلی اليسر وتصيح :
شصم الله .....
لاتعزف يحالوب السمچ مات
ومن کتب شاعرنه عالشط بيت هات
امشان لا يخرب وزن شعره
ختم بيته ابلفظ « شطنه فرات »
واختنگ بالعبره لـَمّن گال :
هات ياگلبي
من الويعات هات
لاتعزف يحالوب السمچ مات

توفيق نصاري

[فقار الكرخي]

عاشت ايدج يالغالية

[اشراقة امل]

نورت شاعرنا الغالی

[سمراء من قوم عيسى]

تسلمين اشراقة