شكثر كاتب احبك
وشكثر كاتب احبك
بس الك ياعمري انت
مرة جانت باردة،
وگوة لزمت القلم بيدي
وصارت الرجفة أحبك
ومرة كلش ثمل مادري شسوي؟
ساعة اباوع السمه الماتنطي خبزة
وساعة أعاتب گاعنه الباگت عمرنه
وساعة اعثر
انا بالعثرات فوگ الگاع كاتبلك أحبك!
ومرة وحدة
بجف طفل گوة اكتبتها
بروح طفل صغير أحبك
ومرة وي كل حرف اكتبه دمعة تنزل
انا بالدمعات المتعبتني كاتبلك احبك
ومرة غبشة
تحزمت للگاع اشمها
لوح فوگ الگاع سويته عشگنه
بخلگ فلاح الوطن انا احبك
ومرة جانت حرب
والنيران ترست كل مدنا
بالرماد الباقي من بيوتنه المحترگة
كاتبلك أحبك
ومرة جاي اشتم نهد ذبلان من الناس
ومخلص مشيته
وعابر ثلاثين عمره
فوگ نهد الذابل المتعوب كاتبلك أحبك
ومرة هسه انا الگبالك
هذا المشرد المايعرف مجانه
انا أحبك
اي وحق هذا الجنون البيه احبك.
منقول
رد مع اقتباس