صدگوني بالغربه الصور . توجع الناس الرايحه
البارحه
مدري شجاني البارحه
حسيت روحي بلا ربع
وعيوني ماخذهه الدمع
طاحت دموعي وماخفت
خفت الگه وادم طايحه
طاحو وچنهم غربو چلبت بيهم مارضو
صدگوني بالغربه الصور
توجع الناس الرايحه
وانا ادري بجروف اليحب
ماتحضن الماي الجذب
وانا ادري چفهم لو خله
مايلگه چف يصافحه
وياگلبي كافي شگد توّن
تحترگ وحدك من تحن
الناسينه صحبانه ومشو
يكسر الواهس صايحه
جم دوب تعلگ بالشمع
وليليه تفگدلك ضلع
دنيانه مابيهه اليرد
بس للموادع فالحه
بس هو اساس المشكله
من محد يكلك هله
تحس النوايا اتغيرت
مو مثل نيتك واضحه
من تلگه ناسك مو الك
من تلگه وكتك مو الك
من تلگه كلّك مو الك
تعرف بروحك نايحه
گاعك صفت للمو فلح
تذكرهه ويغني الجرح
هو العزيز شما بعد
تشتهي الروح مواكحه
شگد صعبه لمن اكتشف
بس انا ناسي التختلف
حته الحسبته يضل الي
يروح عله غيري يصارحه
ولا انا ضال وي البقو
ولا انا لاحگ بالمشو
شردت الروح وتيهت
مدري بورامن طافحه
مخطوفه الوجوه التمر
جناز اشوف بكل كتر
مستغرب شبيهه الخلگ؟
ما ادري بيه الفاتحه
الدنيا عشناهه بعذر
والضحكه بوگه من العمر
والصحبه تسيورة وكت
كل هذا شفته البارحه
م
رد مع اقتباس
المشاركة الأصلية كتبت بواسطة اشراقة امل
