هنا

[فقار الكرخي]

يمتى احب روحي وأكرهك

ويمتى اضحك
لو يمر بالليل طاريك جرحك

يمتى امسحك من دفاتر عشگ عمري
وما اشوفك
انت ضيعت السنين الجايتني
وتيهتني.....
.
.
تيهتني
ورهمتني الذلتك، والدمعتك
بس ما حجيت

ووبيه سافرت الضبابك
وانا بالمامش رضيت

ومن طحت بيك وعشگتك
جم احبك بايته انگالت اليه ومادريت

وجم غريب الباگ
من صورتك عيني
وتيهتني..
.
.
تيهتني
وتدري بسنيني گبل ماشوف وجهك
ضاحكات ويا حلاهن

جنت مرتاح وحماماتي ولا عافن سماهن

وجنت اتغنى وأغني
وطافحه بفرحتها عيني

وبس عرفتك
الحزن حط ايده ع وجهي
وصار محد يشتهيني

وضاع گلبي
وتيهتني
.
.
.
الغاثتني حجاية الروح البشفتك
رخصتني

وانت تدري
شگد اشيلن من معزت الناس
اچملها المعزتك

بلكت تحن مرة وحدة

لاچن
البذات طبعه
يموت بالغربة التذله

يابعد ماتسوه اگلك ياهو انت
هذا حدك
والعشگ ماينكتب بيدك زمانه

فشلة من تشوف
بلبل روحك يبدل الحانه

وصعبه من يبرد مكانك
والتحبه الشمس تشرگ من مكانه

صعبة والاصعب ودادك رخص الغالي بحياتي
وكبر الدمعة ع عيني
وخاب ظني
وتيهتني....






ازهر كريم

[سمراء من قوم عيسى]

الله

أنتقاء جدا رائع