عليه اتكبرت معقوله هذا ايصير......................بقلمي
عليه اتكبرت معقوله هذا ايصير
وتحاجيني ابقساوه وجنت اعز ناسك...
لك اني منو تعرفني كلش زين
اني اول بشر قارنته بنفاسك...
ناسيني حضرتك صرت ازعجك حيل
وصرت هسه من اخابر دوخت راسك...
يلة واني اسف واعتذر غلطان
لان ويه النبض هذا الكلب قاسك...
تمنيتك اليه وبعد لا ماريد اي
انسان احبه وبس الك حبي...
حرامات طلعت جذاب ياجذاب
مو ذنبك تره كل الذنب ذنبي...
سلمتك حياتي ورجعت ندمان
كلت خاف انه مقصر سلمت كلبي...
راجع والندم مو مال انه ندمان
راجع والندم موتني وربي...
كافي اني الغلط مني وانه الغلطان
دليتك اجروحي وحزني والامي...
عندك نهر من الماي ليش اشبيك
تطردني حضرتك من اجي ضامي...
ابكد حبي الك صدك كرهتك موت
ولاريدن اشوفك حتى بحلامي...
علمتك عليةوصرت الك افراح
وانته اشبيك بس الحزن منطيني...
جنت متنام الا واني يمك جاي
شنو هاي الصلافه اتكول ناسيني...
عادي انساني ماتسوه ولك فلسين
وماابجي عليك واندب اسنيني...
ولا اكول اغدرت بيه والوم الروح
لك اتروح فدوه الدمعي لبعيني...
رد مع اقتباس
المشاركة الأصلية كتبت بواسطة رنو
