هنا

[ارجع يازمان]

طفله وهلي عافوني


طفله أ وهلي عافوني...ابديرة غرب خلوني
كالولي يوم اويومين..اشكد اصبرت ما جوني
!!!
.......
أني العليله فاطمه..من زغري صرت اميتمه
معروفه ابعمي الحسن.وجدي علي حامي الحمه
والدي سبط المصطفى ..وجدتي الزهره فاطمه
من راحوا اهلي الكربله..عالبجي صرت امعلمه
اشكد اصبرت ما جوني
طفله وهلي عافوني
....
يابويه افراكك َاذاني.واني ازغيره وشاب الراس
لو تدري ابحال العافوهه .من دون أهل بين الناس
يامصعب ليل المر بيه.اوياحيرة الماظن تنقاس
تانيت اوما جاني الأكبر. اِولا جَيت عمي العباس
لا كَالوا لا ذكروني!!
طفله وهلي عافوني
...
عود امتانيتك ترجعلي.من ترجع يرجعلي الحيل
اتفرحني ابجيتك يابويه.وانسى الأه وانسه الويل
لكن من وصلتني اخبارك.صار انهاري ابظلم الليل
كالوا ذبحوك ابهل غربه.وفوك اضلوعك رضت خيل
وبهل خبر ذبحوني
طفله وهلي عافوني
....
ميتة اتمنيت اولا اسمع.هيج اخبار اترد لينه
كالولي الأكبر وعلومه.اكبال احسين امطبرينه
والقاسم زفوه للحومه.ومن دم نحره امحنينه
وعمج عباس ايكلولي.يم الرايه امكطعينه
لو ميته يل عفتوني
طفله وهلي عافوني
...

حتى عبد الله ما سلم.ياكربله اشخليتي!!
جم كَمر من بيت النبي.بمصايبج طفيتي
عطشان ابو اليمه انذبح.من دمه اترويتي
جانت امنيتي شوفته. ماتت ابكَلبي امنيتي
متشوفه بعد اعيوني
طفله وهلي عافوني


خادم اهل البيت
حسين الساعدي

[حنين الوطن]

[كبريائي قاهرهم]

عاشت الايادي
على جميل الانتقاء
وروعة الكلمات
لا حرمنا القادم من جديدك
كل الود وباقة ورد
لروحك الطيبة