ماتت اللهفه وكرهت مّرايتي
غربه احس مّن امشي بين وّلايتي
سافرت والشوگ ردني وهسّه اجيت
مّسابگ بّدگات گلبي و ساعتي
تّحيّرت ما بين اموت وبين اعيش
من شفت عثراتي من عكّازتي
وآنه من گد البرائه البيّه اغار
مو مّن احد من شكل لعّابتي
و الوگفتلهم عمر طيحوني ليش
الخلّصو عمرين همّه بّعازتي
من افرّع وادعي يصّفر الخضار
وآنه حرمه و حيل توجع شارتي
لا تغثوني بعد ما بيّه حيل
الضمه المنكم شفته صَفّن ناگتي
ولا چتف باقيلي باچر من اموت
عود احسبلكم لشيل جّنازتي
انعم الله وكلشي بيّن نيتي ماي
والله ينطيني اعله نيتي وغايتي
ل فقار الكرخي
رد مع اقتباس
