آنـه ويـه الليـل اسـولف مشتـهاي
كبر وجهي إعله السنين المزِغرات
وگلبي شال من الحمول اثگالها
اعگول ضدتني وشرب فيها السراب
وعگلي بارد بالسوالف شالها
العثـره ماتـگربلي أنه سيد الطريج
أمسـومر بحِمْدانـها ورحـالها
الكلفـه ترگـالي وأعزب بالتـهون
ومن اشوف الدمعة چف ارگالها
خـذت من لـون الحـزن صُفْرة نداي
وأدبـرت عن فرحتي ومنـوالها
وين ماحطني الوكت شوفي إعله راي
أو وين ماتوگف افـل ارحالها
إزماطي لگـزة رمح معـگود بصهيـل
أمفرع اچفوف من اصير إگبالها
لانـه صيـدة مستحه وخذفـة رعيع
ولانه طيحة عَنب يـم اسـلالها
آنـه ويـه الليـل اسـولف مشتـهاي
وأعگب الحط إعله راس إخيالها
مسدر إعله النايفه وناب الضَروس
الما تصير براسي اعـگد إذيـالها
دنـيا بـيها الـزود لليـعلـف رداه !!
يكبر بهدمه إعله گدر اشكـالها
هاي دنـيا اتحـزمت للمو عفـيف
حالي ستـر الله ورفضت احـوالها
الشـماتـه البـيها والـما بـيها لـون
السچڇ عوج وخل تحطني ابــ بالها
علي حسن الشمري
رد مع اقتباس
