من حبي لهاي القصيدة الي من اريد اقتبس منها شي احير
وعلى طول ما انا اسمعها ابقى اصيح الله
كلش تلامس القلب
ف قمت بتدوينها كلها
:
الحك ناس اجتني تريد تعشگني
الحك كونك تحبني
الحك ناس اجوني احنان
وانه بطرك روحي وخاف هالحنيه تخاذني
الحك لا اعشگ غيرك
وكلك شوف مو كتلك اذا ما جيت اسويها
واروح اعشك
مو كتلك اذا ما اجيت
كل صورة التصير كبالي تشبع شك
ومو كتلك انه ابن شيوخ
على الهاطولها يرف شاربي واعرك
ومو كتلك انه ابيض مارضه تلثك
ومو كتلك
كلتلك غيرك مجلبين بيه شكد !!
ومو كتلك الماي الما لكاله اسدود
يمشي وما يتاني احد
ومو كتلك الدمعة تصير حظ الكاع
اذا ماتلكة حضن الخد
رد مادام عشكگ حار لا يبرد
رد الگلبي الابيض لا يصير اسود
باب البيت اذا ينسد تفتحه جفوف
بس باب الگلب شيفتحه اذا ينسد
باجر خاف غيرك يترس عيوني
ومكانك اخس من فرهود الافينات يتفرهد
ترد لو لا ؟؟
محير لا تخليني
انه گلي اكتل ولا تگلي تانيني
انه خلصان مابيه احمل متاناة
انه اريدن ولف لو صيح وين فلان
كون يگلي انه هنا
ترا من تصير هيج وياي ماتخسر
ترا اليزغر الخاطر ولفة هذا وداعتك يكبر
وخلها ابالك انه اهواي اسؤلف بيك
بس المشكلة ماعرف اذل انه
ولا تنسى احنه واحد عاند الثاني
ولا تنسى انته ماعندك چويدة وياي
ولا تنسى انته شيناتك وياي اهواي
كل هذا واكولن زين للناس اليكرهونك
والمشكلة يعرفونك واجذبهم
وانته المشكلة برجليك رحتلهم
وانه ادري خذوك
وخذو منك مستحة عيونك
كتلك زحمة اثگل لا يعيرونك
الضلمة شعندك وياها استحي وكافي
رحت لجتاف غيري شبيك ماكفتلك اجتافي
رحت تكعد بحضن الغير
جا حضني انه شنهي شبي مو دافي
استحي وكافي
انه جم دوب اعاركلك واهد حافي
استحي وكافي
يجبونك الي كل يوم تالي الليل
والله اليعلم شسويت وشسولك
وضليت عدهم نايم وغافي
واشوف اثار بيك اهواي
واتذكر وكولن لا
هذني اثار من عندي
واذب الصوج بشفافي
استحي وكافي
شفتني انسان صرت وياي متعافي
شني نيتك تذلني تريد
هم ورچني شنهو انته
هم حاجيني شنهو انته
عشت وياك مثل الليل اموتن واعدل بسكته
وصرتلك وطن من سمعيتك تغني
هذا انه الغريب المحد بحالي
واكلتلك اكعد ابالي
وكلتلك غالي موش حجايه التنگال
لا من كل گلب ولسان كتلك غالي
و بهذا الگلب مامش بعد غالي
وبالتالي....
لا زحمة احجي بالتالي ...
حكيم الفريجي
(اعتقد ان بعد عدة سنوات اذا استمر هذا الشاعر بهكذا طريقة في الكتابة سيكون الاول شعرياً لان يااخي من قلبة يحجي)
رد مع اقتباس
المشاركة الأصلية كتبت بواسطة فقار الكرخي
