درر حشاشة (منو أني)
جميع ما يرد هنا من خيال الكاتب ولا يمت للواقع بِصله
.
.
.
جنت طالعة لسحار بعرصات الهنديه علمود اشوف اشصار بالعمل السفلي الي سويته لرقية الحية
لان الله وكيلكم صارلي اسبوع من رشيته على عتبتة بابهم
ومفروض من اول يوم يشيلون من بيتهم بسبب مفعول السحر
بس اشو من يومها لحد اليوم همه مشغليين دي جي ويركصون
والي اموتني قهر لا عزموني ولا كدرت اعرف شنو سبب هل حفلة
يعني مهاراتي الاستخباراتية كلها ما نفعت
وحتى استعانيت ب حمودي المطيرجي حتى يطفر عليهم ويعرف شديصير الولد طفر وبعد ما رجع ..
لا والمصيبة امه تكول اريده منج
( هو اني منين اعرف حمودي اصلا ووين شايفته خالة ؟
قابل اني كتله بنت ابو واثق المختار تحبه وحجيبله رقمها ان ساعدني ببعض المهام البسيطة ؟؟ عيني روحي شوفي يجوز انسجن بسبب تعاطيه المخدرات او ذبوه بالاحداث لان كاتله واحد ) !!
ها عينـي واني بطريقي ويه Zeto بسيارته اللمبركيني مضلع دبل قمارة
سوزان وكالت يمعزايه صورتج نشروها بالمنتدى
اني اهنا عيوني زغللت وفقدت وعي
وصحيت بعدها على حس زيتو وهو ذابني على الرصيف وديشرد لان عباله متت وكمشته من ياخته والرجال روحه ماعت من الصدمه !
كتلة وين رايح ؟
كال ما رايح بس جنت اسويلج فوتو شوت ع الرصيف لان شكلج جان كلش حلو
رجعنا للمنطقة واني بأتجاه بيتي اشوف مظاهرة ولافتات (سعاد كذله) على موضوع قتل الكلاب السائبة.. مما زاد من غيضتي غيضاً ( لان جان مفروض اكون موجودة وياهم وازيد صورتي اللامعه بعيونكم لمعاً
طبيت وشفت الصورة منشورة وتنرسل اهنا واهنا واهنا واهناك
لذا تقبلت الموضوع وقررت اتعامل وياه بروح رياضيه
فيا اعزائي
اكيد كلكم أطلعتوا على صورتي الجميلة الي منتشره بين صروح المنتديات والي تناقلها جميع الشامتين والحاسدين والمعجبين والمتعجبين
الغرض من هذة الفضيحة يا اعزائي الاطاحة بصورتي اللامعة بعيونكم
وكوني رشحت نفسي لرئاسة المنتدى
قرروا اعداء النجاح الاطاحة ب شخصي المبُدع عن طريق الأستحواذ على ممتلكاتي الشخصية
ب قسم صوري على درر العراق
وهذا الاختراق ابداً ما راح اسامح اللي سواه واني اعرفها للحسودة الي ارتكبت هل تصرف
القصة بدت من جنة نسولف اني وجارتي العزيزة Suzanaوجانت هي تنطيني نصائح عن الادارة
ووصلنه لنقطة (كيفية اخفاء جثث الاعضاء
وسمعنا طكطه رجلين وره البيت واني شميت ريحة أحد يصنت
(المشهد القادم حيفهمونة بس الي يلعبون ببجي)
وسحبت سجينتي من البرتقال وكمبرت بالهول ورحت زحف بأتجاه باب ورة البيت وسويت اينميز اهيد لسوزانه بس هي ما هجمت وياي وختلت
وتالي فتحت الباب ولكيت المكان فارغ
بس لأنو بديهتي قوية واني ذكية جدا جدا جدا
انتبهت انو شباك بيت ćąŧ مفتوح
يتبع ..
رد مع اقتباس
