ابكل دقيقه اشتاگلك مليون ساعه
اي نعم اشتاگلك فلاح من يذكر المسحا و غزو گاعه
كلشي بلدنيه غريب
الشوگ والناس و ضحكنه
او حصرة المعشوگ من يذكر وداعه
العشگ تاريخ و اماره
العشگ دوله و علم وجيوش حضاره
آنه حتي بحلمي اتوضه و انام
او شايل ابنيتي نبي و شابگ امام
مدري ليش و مدري ياهو
ابلا رحم گالب قسمتي
اليگلب المصحف حراام
الدنيه متنسيه ابقطار
ليش كلما اگربلها اتصير بعيوني زغيره
وآنه ادري الراسه عالي ايشوف بس ناس الچبيره
و آنه چنت اچبير بس الهم گفضني
وعندي غيره
القتل مو بس بلرصاص
احياناً ابخيط البكاري تنعدم رگبة ضفيره
او هوا مو كلمن غني يتسمه امير
علي صار اول امير بخبزه وشوية حصيره
او والله حيره
القصر مايدري ابأميره اينام جايع
والله حيره
او والله حيره
الذنب مو ذنب الملك
ذنب الاميره
هيــثم مجيـــد الحزباوی
رد مع اقتباس
المشاركة الأصلية كتبت بواسطة صادق اللامي
