ریم الفله یا فاتني اویل بلخزر سابیني
شبتني نار امحبتک لحگ علی طفین
شبتني نار امحبتک واضرمت بیه النیران
ولهان حالي و منجبر واشلون حال الولهان
عطشان احلفنک قسم بلذی استشهد عطشان
ارحم دلیلي الملتهب من مي لماک اسگیني
دسگیني من ماي المه و ارحم دلیلي المجروح
من جرحي اون واتعلمت مني الحمامه اعله النوح
عینک سهم من حرمله و گلبي الرضیع المذبوح
یاشرع حلل کتلي الک وابیاذنب ترمیني
فنان ماهر بلرمي و انته المهنتک تاقن
او تدریهه تکتل نظرتک من تلتفت واتعاین
عدنه ابعرفنه احنه العرب یدرک الحرک الساکن
وانه دریچ امحبتک لازم تجي اداویني
بس جیتک اطیب الگلب وبگربک اصبح مسرور
من ما اشوفک منهضم مکسور خاطر مقهور
والله ابتلیت ابعشرتک نمله ابطن صوف ادور
درب النجات ابیا کتر یاهو الذی ايدلیني
یاهو الذي ايدلي الدرب ویکون صاحب تدبیر
یملیهي رعیان اطبع ونچان صح التعبير
الاید لا توصل اله و لا یبتعد من ایطیر
لا حاط واترجه اوصله لا مشتمر عن عیني
ما خالفیتک بل هوا وشما تفصل لبسیت
بس انته شبوط النحه وي جاري شوگي اتناحیت
هاذه الجزه لمحبتي ویه العواذل هدیت
او کل ما تناوشت الیرف روجک یجي ایغطیني
کلما تناوشت الیرف ردیتني اعلی الغمگان
غرگان من اول انه و چملته غط الغرکان
منک بدت یا ظالمي والشکوا عند الرحمان
هوا الذی یوگف حکم بینک یولفي و بیني
ترکي الامیري
رد مع اقتباس
