ابدیرت بالي اباوع بس خیالک بي
او عطر ثوبک نفاهي ابریتي امعلگه
امن انکت مشتهاي ایطیح بس طاریک
واذا انکت گفاي اشگد مذم الگه
رووح ابراحتک بس اگضي المقصود
ترا الیگنص هدر ما یرمي الفشگه
أنه انطیتک گلب لیهسه ما مجیوس
وانته ابخنجرک تتشاقه وطگه
محتاجک تعال ابگد حچي الشمات
من گد ما ضجت ما دبر الشهگه
احاچي اصور وداعک بلکي یطلع صوت
ورسملک طریق ابالي للملگه
بخني اشوي ضحک ومباوع ابملگاک
نگعني ابسوالف ریتي محترگه
ترا الفارگ ولف لا تشکي یمه افراگ
المخلوس ابگفا ما یشتهي الصفگه
انسحنت روح صبري و عرگ وجه الیل
و فجر هجرک نحس یتمضمض ابعرگه
وگف وکت العمر مامرني شیب اجفاک
ابیا حال ایتعده و من سلب خلگه
أقسمهن چنت عشفافک البسمات
او چي ما حب أغثک أخفي الخگنه
چنت أشتم خیانه أبأول ألمشوار
من طعم الکلام و قلت الشبگه
أنه ابمگبرت روحي اشگد دفنت اعزاز
ياهو الچنت ادفنه ابصفه أمد عشگه
المحروگ ابجگاره امن الگطف بي خوف
وأنه ابصخره انرمیت و شابگ التفگه
علي يبر الحزباوي
رد مع اقتباس
المشاركة الأصلية كتبت بواسطة صادق اللامي
