شکتبلک غزل انته غزل مملوح
او قوافیک لگط مو خرص و چیاله
شوصف من حلاتک انته کلک نور
و الینظر الساگک ینشده باله
یل امعزل و راوی و انعم من الریش
هنیاله الحواک و الف هنیاله
حدر اذنک جمر ما یطفه لیل انهار
و من عرگ الخدود اتفوح ادلاله
شعرک زوبعه و بس تفتح الماشات
تصنع کارثه و اتصیر زلزاله
و شایل حدر زیجک کنز کل الکون
اشکبر حظه و بخیت و هل کنز ناله
شکتبلک غزل من یا وزن یا لون ؟؟
و من حلگک ابحور الشعر سیاله
و علی طولک تگدر کل غماش السوگ
و ابحد الخصر حارت الدلاله
و هم تدری الیشوفک یضل یمشی اعروض
چن حدر الضلع مصیوبله ابفاله
و ساعات العصر من توگف اعلی الباب
یاویله الیفوت او ویل یا حاله
#میثم_الزهیری
رد مع اقتباس
