علَي اعناد إلـ سوالف بیّتتلك بیت..#
او سمیّتك جناس بـ حضن موّالي..#
نشَق گلب الـ شعِر لمّن جبِت طرواك..#
دبّگت ألـ حلگ مِن گلت یلـ غالی..#
أرضّیك الصبح و الـ ضحه ایجیسك غیض..#
و أَدَخل کل مسای و چود ترضالي..#
ترِس گلبك سوالف یمي تصفن لیش..#
أصیرن ذان کلّي و تسکت اگبالي..#
أشتهیت الـ لیل کونن بی نجم ینشاف..#
أو شفت صورة غرامك یم نجم فالي..#
بـ أسمك صیّحت و شتِبه بیك الصوت..#
و تخورس بَخَل حلگي و صیّحت خالی..#
یعجبنی اشتباهك کل غلط مابي..#
و إذا گتلك غلط یعنی ایتراوالي..#
و أظنك بلـ حِسِن من مُعجزات ألـ شوگ..#
یا یوسف زماني و منوة آمالي..#
خُبط عینی الـ سهَر حد مشتهات الـ لیل..#
حتی الطیف أضن رَد مِن تعنّالي..#
و أنتَ بلا بخت تطبگ أعیون النوم..#
و أنه ابـ نغمة محنتی ایلوی دلالي..#
و مثِل مهنة الـ ينجر مَهَد لو تابوت..#
بس ترجه الـ طُمع شتخصک أحوالي..#
رافگت ألـ فرح سچّه و جدم تعبان..#
سراب انتَ و تبعتك کونن اتلالي..#
تلاگینه الـ ظهر و آنه ابـ گلب مغتاض..#
و مِن سوء الـ تفاهم صایر ابّالي..#
جفیت و مستهم و أدري الـ عناده اویای..#
لمّن باوعت ماشفت خیّالي..#
ترکني و باگ گلبي و گطع صوب اهوای..#
و شبگ خیّال ولفي فَشّل احذالي..#
او صرت تمثال صفنه ابعاصمة شمّات..#
و من طوفان قدرك وگع تمثالي..#
و تکسّر صخر صبري و ضاگ خلگ الگاع..#
و أنتَ أبـ عین شامت گمت تبرالي..#
#فرید_علاو
رد مع اقتباس
