أسولف وحّدی و غیّضت طبعی اویاي
چیف أمن ارد اسولف بین خصم و خل
چلمة مستحاي ادّور بیه أسنین
توصل باب حلگي و تستحي من اتحل
أنه أمنـ حزن عمر ما أرفج اویـ الّیل
یتبع مشتهاته الصبح من ایطل
و اطباعي اتّشابه چن شعب یابان
بیهن أشتبه چی فرد شوفه و حل
أَحتضن ملح الـ شماته ابـ جرح صدري اشباگ
یِشبّهني الطبع وبفطرتي أستقبل
ما أطفر نهر مشي الشهر معقول
لأن گبلي الطفر للیوم مستوحل
آنه الـ مِن طحت ضل او وگع بِلـ مای
لا تفخر ابـ شط الما یندي الضل
ولاکل الدمع نزّل أحزان اویاه
دمع واهس أکو مِن الفرح ینزل
إبـ کُبُر بخت الملح لو بخت شلت اویاک
أکید ابیض وجه من الملح تحمل
لا تهوه اتّخیّل قارب الدخان
تمشی اویـ الهوا و مِن مستواک اتقل
تگدر بلـ فتن تعزل أجبال اثنین
بس چود الظفر من الـ لحم تعزل
ألـ کَرَم ماهو طبع چیـ کَرَم حاتم ذات
بچفوف الطبع فشلان لو تبذل
و لاتهوه ألـ مرایل و ألـ فِعِل مفگود
من غمزة جفن حرب الـ حِلِم یجفل
و لا کِلـ مَن تشعنب ثگل المیزان
یا فَي الشفت میزان بي یِهدِل
عکرة مشکله و چف ألزَمَن مشلول
او چف الفتن یعجد ما یعرف أیحل
و أذا سرَّک شکل وجه ألـ مرایه ایبیح
لا یخفي ألشکل للـ معتني ینسل
هِدِم یوسف وصل بشّر نظر یعگوب
یبره الذیب خاطر و ألـ أخوه اتذل
و أدعی ألـ مُنحرف دعوه السفینة نوح
لا یبعد بعد والغیم هلـ مِجبَل
#فريد_علاو
رد مع اقتباس
المشاركة الأصلية كتبت بواسطة اشراقة امل
