السلام عليكم .. شلونكم
صارلي هواي مداخل للدر مشتاقلكم كلش .. بسشسوي ملتهي بالدراسة
المهم اريد افهم الاوائل شلون يحسبوهم ؟
يعني مثلاً لو الواحد درجاته كلها ب70 او 60 وهو بهاي الدرجات اعلى واحد ع القسم , بهاي الحالة يعتبر "اول ع القسم"؟
او مثلاً لازم تكون درجاته كلها ب90 و80 واعلى واحد بالقسم يلا نعتبرة "اول ع القسم"؟
نظام كليتنا هو كورسات مو فصلي .. كلت خل اذكر هلشي حتى خاف اكو اختلاف
طبعاً ذكرت درجات وما ذكرت كلمات مثل (ممتاز , جيد جداً) لان مااعرفهن
وشكرا
حبيبي ليفاي طالما نظامكم كورسات فلازم مجموع الكورسين انت تكون اعلى واحد فراح ينحسبلك الاول عالقسم بغض
النظر عن طبيعة الدرجات
وعليكم السلام
اذا درجاتكم هي كورسين من ٤٠
من ٢٠ كل كورس
وبعدها اخر السنة من ٦٠ الامتحان معناها ينحسب حسب اعلى درجات
يعني اذا درجاتك ٧٠ مثل متكول وانت اعلى درجات
ف تعبتر من الاوائل
الاوائل هو مفهوم واضح الاعلى من جميع الطلاب بالنتيجة النهائية بغض النظر عن الكورسين واكيد
النتيجة النهائية تعتمد على نتيجة الكورسين
العشرة الاوائل : مجموع الطلبة يقسم على عشرة = عدد الطلبة الاوائل
مثلاً :
بالقسم 50 طالب فالاوائل العشرة يكون عددهم 5 50/10=5
بالقسم 70 طالب فالاوائل يكون عددهم 7 طالب 70/10 =7
بالقسم 120 طالب فالاوائل يكون عددهم 12 طالب 120/10 = 12
وهكذا
اما التقدير يكون كالااتي
اذا كان معدل الدرجات 50-59 فيكون التقديرمقبول
اذا كان معدل الدرجات 60-69 فيكون التقدير متوسط
اذا كان معدل الدرجات 70-79 فيكون التقدير جيد
اذا كان معدل الدرجات 80-89 فيكون التقدير جيدجداً
اذا كان معدل الدرجات 90-100 فيكون التقدير ممتاز
وهناك تسميات مثلاً جيد عالي او جيد جداً واطئ او ممتاز عالي او واطىء
يعتمد على درجاته الاقل من خمسه او الاكبر من خمسة
يعني 74 = جيد واطئ
86 = جيد جداً عالي
وهكذا
نشكر كل الاخوان الذين ساهموا بالجواب
-------------------------------
يُغلق الموضوع بعد وضوح الاجابة
