لیش العید بین و انته ماجیت
و لا لحظة فرح مرت عله البال
وانا الجیتک فرشت اجفون العیون
و دمعهن خدریته ابنار الدلال
بقیت ابلاستر بس الله و الگاع
و عفتنی ابفطرتی و مادبر الحال
انه ردتک تجی اتسکت الیضحکون
امنادسهم رمح بچفوف چتال
غریب العید اجه و اتنطر الباب
تدگ کلساع بس اچفوف عذال
یعیرونی ابضحچ بس ابلع الموس
و شسولفلک بعد واید حچی انگال
اتعبت تعب الذی ماعدهم ابیوت
و حدر حر الشمس ماشافو اذلال
اتانی اهلال وصلک شلی بلعید
بطیت اشأخرک ییتک عله ایمال ؟؟
افرحت کل الخلگ حته المحزنین
الوادم عیدت و اسماطهه انشال
و بقت عینی ابرجاک اتصد بل اوجوه
تعاین عل یجون اکبار و ایهال
رحل وکت الصیام و فطرت الناس
و خلص ذاک الشهر و الیوم شوال
وانه اعیونی ابسماک و ناشف الریج
اضل صایم لئن ماشفت الهلال
علی العاید البدوی
رد مع اقتباس
