بعد عوزی صبر چی فجر لیلی ابعید
سهر وکتی تعده الوسن وحتله
اسد عینی چذب بلچن حلم مجهول
یعثر بلجفن وبیغضتی اتسله
ابظهر خنجر سهر حز راسی چف اللیل
اگلله اصطبر وحساب ماگله
وانه ابشارع سکوتی اوجوه غربه اهوای
سرق واهس خیالی الردت اسولفله
وهموم العلیه ابکثر شعب الصین
بیه اتکاثرن بس مالگن خله
انه امسودن طبع رعبلت گلب الخوف
والتخوف اطباعه الخوف شیگله ؟؟
مابایگ حچی صندوگ بیت المال
حته السان شعری اتهدده الزله
وسع صدری مثل بیت و سبع بیبان
الرایح والیجی بچلای اعزبله
شکر طیبی الغریب و ریحالی البال
بس بیه الحبیب احوال ما خله
صبح طعم الملح نکته ابحلگ ممصوخ
سولفهه ابسفاهه و ضحکو الحله
ما اکتب شعر یشبه رزق گصاب
ابسد گص الرگاب ایرید یتعله
یطمع جیب شعری الماعرفته منین
خاطر لا اوچد حرثة الذله
بیه الصبر شیب والأمل محتار و
مثلی یخایب بطمع شله ؟؟
او شفت رگبة نذر بیهه الأمان ایبات
او سچین النذرهه اتراغب المهله
تمنیتک صبی وعیون شایب بیک
اسولف بلمضه وبشوفک ابد گله
طبع مرهم چنت لعیون بعض الناس
اطش روحی فده وبغیری العله
وبعصر المضه برطلت حلگ الموت
لجل یحیه المجد ولغیر یتبله
هزتنی ابعطف چلمة عمر مختار
نصر لو لا نموت اثنینهن سهله
بسک یاعصر حض اشتباهک طاح
بس طبعک لئيم الطبع شيبدله
وکاحت عین سایل شرد اذمن بیک
من گصة السایل تفشل الفشله
شفت جدم الصدگ یمشی اعله وجه المای
وجدامک یحاقد واهگه ابدهله
ما أمن بعد لمن عرفتک زین
من عین التنظرک تسرق الکحله
معذور الصنم راسک صبح سکران
خلف صوت الأذان و رکض یرکعله
ابطرگ وجهک اتصلی و گلبک اویه ابلیس
وتذب القصور ابرگبة الجبله
{فرید العلاو حزباوی}
رد مع اقتباس
