بلتواضع یا جدم وچد حرثتک وبمشیتک حط بالک
دربک وعر وارد اخبرک ذیب الشرس یبرالک
یاجدم وچد حرثتک وبمشیتک ابدگ زین
بعض الگلوب اتغیرت وتعده قرن العشرین
لا تامن ابوجه الوکت لو ینکشفلک صوبین
گد ما علت شمس الظهر حط بالک من اخیالک
یا عثرة المایصطبی او یوگع ابیر المحفور
ویصیر سالوفه ابحلگ شامت الماهو مستور
دنیه و صفت بمحایله و شربکت عید ابعاشور
او رمضان وکتک لو گضه اتشوف الکدر بهلالک
آنه ابطن کعبة امل شدیت خیط امرادی
بلچن الرب ابلفتته ایرخی المنوتی اشدادی
ماخاب ظنی من الجره و عمر الصبر مترادی
بس یا امل فوگ النجم متعلیه نجمة فالک
عیش ابتواضع دنیتک لاتشتری النفسک سب
او لو سلهمت عین السبع بلذیل بالک تلعب
وعله الی عیب ایقدرک مای الوجه لاینذب
فشله ابجبینک تنطمق وتضل مثل لمثالک
بلریج ضل حامض حلو مذموم طبع المیهول
او لو یوم جیبک ینترس دنیاک لابیک اتزول
لاتکض صمصام الجهل وتملطخه ابدم مکتول
وبنوط غیک والچذب تشری المذله الحالک
کون ابمظیف اهل الأدب حچیک یوصفونه ابدر
او لو ما وجد منک نفع لابل ینفعون اتضر
لو مو مهنتک لا تکض فاس النجاره و تنجر
زورک تخلصه ابلا وعه و ینفگد ضخن اضلالک
ومتلک طبع البل شجر خل العگل مقیاسه
گد ما کثر بیه الثمر اکثر یهبط راسه
هچ البشر کل ماهبط یعله ابمحبة ناسه
ویضا" تجیله ام العله وتگله الوذ ابیالک
کلوکت تچیله البخت حته المدح بیک ایضیف
او صیتک یمثلونه ابفعل مو صیت خضره ام اللیف
گوم ابزمان الکلفک ونجح ابصف التکلیف
او رقمک عله اخدود الورق یعتلی ابچف عذالک
مجروح یامالح طبع گربک علی ماریده
صح وجهک ابظیمی انبقض بس گلبک اصبح عیده
محد یعرفک یا لبن غیر الیخضک بیده
طعمک خفه ابریج السگه و ریج الیخض عرفالک
ما حاجه ترشدنی الدرب آنه الدرب اندله
من یوم اخو زینب صرخ هیهات من الذله
لقمان لا تصبح علی أیس ویعهه العله
ودوای مرهم چف نصر بس یا مذلة حالک
قاهرنی ذاک المعتدی و یفخر ابظلمه و زوره
وحساب بملاک الاهل مسحات ابو مکسوره
مو عیله صارت بل عجد واتطیح لجل الیوره
ایکتلک الیدری القهر وایگلک انته اشمالک
ایکتلک الیدری القهر مایهوه ینطیک الحگ
یتعمد ابلا معرفه و یلچم اجروح العتگ
متعوب وجهک یاصبر جفن انتظارک غورگ
بس الأمل مجبل ترا و چن یستضیف احذالک
شیفید عذر الناکرک لو صخل معمع بل عب
یشبه حرامی المختزی و بایگ یمل و یدحلب
بلوه و علیهه امشاجره و ضاع الذنب و المذنب
یل عایش ابلا دندره ابهاذ الوکت هنیالک
ما هز مشاعرهه الشعر ناس البعدهی امغمضه
او ما یسمع الاطرم بخت لو تحچی میة ومضه
مو مشکله الطاح ابوحل بس لا یملطخ حظه
ویصیر اذیه اعله الخلگ هک منه کل مایالک
من بعض حچیی استأذنت بس ماصرت متردد
و ادری ابسهم گوس الشعر لو صاب ماظن یگصد
مستهدف ایهال العگل و البل صنم هم تعبد
یا هبل هم یوصل وکت نکسر خشم تمثالک
للعملاق : فرید_علاو الحزباوی
رد مع اقتباس
