حروف..واخبار...وصور.
استنسخوني...
وكالو الدفان روحي
من الحزن جم ..نسخه رايد
شككو بيه فرحتي
ضيعوني حروف..واخبار...وصور..بين الجرايد
ندهو بروحي شعب غافي
شعب مذبوح..رسموله ركبته
وفوك حز السيف...رسموله كلايد
استنسخونه..وكمنه نتشابه..ملامحنه غريبه
دنيه .مابيهه وجه يشبه حبيبه
وشعب خايف..!
من وره البيبان البروحه يعاين
ماطلع بجروحه لابد
استنسخوني..وكامت امي بروحهه اتدور عليه
توكف وتدعي بوجه كل مغربيه
تردله اليه......ترده اليه
وانه ضايع..
مره رسموني خريطه
ومره خلوني..علامه
ومره..سووني هويه
لهسه ما واحد عرفني
وجهي من حرب لحرب يستنسخونه..
ماحضن وجه الحبيبه
وما غفه بليل وكصيبه...!
خضر..بكل جثه نامت عل السواتر
ورده جوريه..
ودمع بعيون
شاعر.....!
عادل الدراجي
رد مع اقتباس
