مبارة كرة القدم مع فريق الصم والبكم
السلام عليكم
بأعتباري عضو في احد المنضمات الأنسانية
ودائما يدزون علية نروح نشاطات انسانية
البارحة دزو علية كلولي اليوم عدنة لعبة
مال كرة القدم مع فريق صم وبكم
يعني خرسان وطرشان
صارت اللعبة بملعب الزوراء للفئات العمرية بالشالجية
ما احجيلكم عالجلاليق الأكلتها
خلي اشوفكم صور
المشكلة مو هنا
المشكلة احنة متقدمين عليهم 1.. 0
وبالدقيقة 90 سجلو التعادل
وراحو يركظون فرحانين
اثاري المراقب خط رافع راية الهدف مالتهم تسلل
ولكم هوب يمعودين مو كول
ميسمعون
هناك من رجعو من احتفالهم
شافو المراقب مأشر تسلل
جان يروحون عالمراقب يركضون
بس بغضب بدون صوت
جان يركض الحكم
حس بروحة راح ينكتل
ويطلع خارج الملعب وهذولة طايرين وراه
وصل الباب المعظم وماعافو
نهينا المباراة وهذولة ماكو
رحنه للحكم بليل للبيت نريد انشوف شنو صار
يكول حصروني يم الكوسترات مال الشعب شبعوني جلاليق وعجولة
رد مع اقتباس
المشاركة الأصلية كتبت بواسطة hudhud.G
