هنا

[حكايه في الخاطر]

السلام عليكم طبعا هاي اول مشاركه اليه اتمنه تعجبكم وهيه قصتي الحقيقيه اول شي اني مخلصه ثالث مواليد ٩٥جنت صغيره عمتي مات زوجها عدها اربع ولد نفس عمرنه بابا اخذ بيت وسكنو ويانه وهوه رباهم ويانه وعشنه سويه لحد ماكبرنه صرنه ١٧سنه اني حبيت ابن خالتي طبعا هاذ الوكت احنه افتركنه لان كبرنه بس ظل بابا ويايه يوميه يروح عليهم وهمه يجون اني حبيت ابن خالتي فتره طويله وعلاقه وكلهم يدرون بس احنه ندري مستحيل انصير البعض ابسبب مشاكل عائليه ماممكن تنحل طبعا ابيوم من الايام ابن عمتي دزلي خبر هوه يحبني ويريدني اني ماقبلت لان معتبرته اخ متربين سويه تركت الموظوع بس هوه ظل يلح اني رحت الاربيل سنتين اجانه الاربيل طبعابس اني رافضه الموظوع اهلي يريدولان همه مربي ذاك الوكت جان جدي مريض بلقلب وعنده عمليه وكال ماسوي العمليه اذامااعقدلهم بعداني مااكدر احجي شي ثاني يوم عقدلنه جدي سوه العمليه ورجع خطيبي ظل يمي ٦اشهر اني حاولت اتقبل الوظع بس ماكدرت وظلينه سنه بعدهاجدي زوجنه طبعا جدي محديكوله لا علاقتنه عاديه بعد الزواج بس مابيهامشاكل كلش متفاهمين لحدماصارعندي طفل حسيت اكو شي صار يربطني بي اكثر قوة العلاقه بينه بس اظل احس بلفراغ واذكر الماظي بس هوه يحاول يسوي كلشي يسعدني لحد هسه العلاقه مابين وبين

[إبتسـامة فـــآترة]

وجدج خبصكم وتعالو عقدو وتالي ما مات؟

[مًأّ يِّشُـبًهّـوٌنِيِّ]

اي وتكمله القصه شنو لو خلصت جدج مات بعده

[يوجين]

جدج عقدلكم ..جدج زوجكم .. جدج شيخ سيد مأذون لو شنو !!
وين مشكلتج هسه ؟؟ حياتج حلوه كمليها

[علي الاسدي**]

والله لازم تحمدين الله وتشكريه انك حصلتي زوج يحبج ويحاول يسعدج بكل طريقه هاي نعمه ما راح تحسين فيها الا من تفقديها اما الفراغ هو وسواس الشيطان استغل الماضي حتى يحرفج عن طريق الصواب

[Scrap]

مثل ما گال على الأسدي

[Hani Yaqoub]

شكراً حكاية في الخاطر
شكراً لان جنتي وفية لزوجج وتحملتي الم الحب وارق التفكير وتزوجتي بدون ارادة ومع هذا تعايشتي مع زوچ
الي صار وياچ شي مو هين والفراغ الي تحسين بيه بعد مو هين
مثل هيچ احساس ما يزول بالسنين لان كان حب اول حقيقي وما انتهى بسوء
الي اعرفة كتبتي هل الكلام من لوعة قلبچ
الله يطيب قلبچ

[إبتسـامة فـــآترة]

شكراً حكاية في الخاطر
شكراً لان جنتي وفية لزوجج وتحملتي الم الحب وارق التفكير وتزوجتي بدون ارادة ومع هذا تعايشتي مع زوچ
الي صار وياچ شي مو هين والفراغ الي تحسين بيه بعد مو هين
مثل هيچ احساس ما يزول بالسنين لان كان حب اول حقيقي وما انتهى بسوء
الي اعرفة كتبتي هل الكلام من لوعة قلبچ
الله يطيب قلبچ

صاير رقيق!
اشو اني من تنصحني بس ترزل وتكسر بقلبي

[Hani Yaqoub]

صاير رقيق!
اشو اني من تنصحني بس ترزل وتكسر بقلبي

شتان بين الاثنين
انت محد غصبچ على زواج
محد جبرج تتعايشن بعالم جديد وفق قواعدهم
الى الان عندج حرية الاختيار والرفض و و و
بس للاسف جاي تنظرين للجزء الفارغ من الكأس بحثاً عن البعوض

[إبتسـامة فـــآترة]

شتان بين الاثنين
انت محد غصبچ على زواج
محد جبرج تتعايشن بعالم جديد وفق قواعدهم
الى الان عندج حرية الاختيار والرفض و و و
بس للاسف جاي تنظرين للجزء الفارغ من الكأس بحثاً عن البعوض

يي والله صح الله يساعدها
اني القاهرني جدها اللي سوة كل هالدراما وجبرها ع شي
متريدة وتالي بقى عايش وما مات