يمة كعدي ابداعت امج
امحلفك بهاي البراءة
يمة ناجح جيت ابشرج
عشرة ماخذ بالقراءة
يمة بالمدرسة كالو..!؟
... ... ... اجتماع الأمهات ايصير باجر
ومن اجو سألوني امك شو مجتي ؟
ماكلت متوفيه امي
كلت لا تعرفني شاطر
يمة من جتي النتيجة
ماخفت ارسب او انجح
لا وحك رب العبــــــادة
يمة أول ما أجة أبالي انتي ميتة
شلون تقرين الشهادة؟
يمة شحجيلج عليه
من يمر العيد بيه
يمة كلهه اتعيد بأحلى الملابس
يمه بس آنه واخوتي
نلبس اهدوم المدارس
يمة شيب راسي بعدج
ابثكل كبرج ثكل همي
عكب مابعيونج احلف
هسه اكول وروح امي ...!؟
من يجي الليل الجهال ابحضن امهم نايمين
وتبدي واحد واحد اتبوسهم امهم
اي مثل ما جنتي انتي
اشكد حنينة ابوستــــــج
يمة بس آنه عكسهم
حاضن الدشداشة بيدي ونايم بصف صورتج
وابدي ابجي وبيدي ادعي
ياأللهي .. !؟
ماأريد اتوفق آني ولا اريد اتزيل همي
يأاللهي ... ياأللهي
فدوة بس رجعلي امي لخاطر امي ..!؟
رد مع اقتباس
المشاركة الأصلية كتبت بواسطة ليليا
