هنا

[فقار الكرخي]

جانو يگلولي كافي العمر فات
وانه اگلهم لا بعد بيه شبــاب
هي هاي الدنيا ضحكتها السمار
سولفيلي حجاية السمره ثواب
سولفيلي البيه ماينطيني اموت
هيه مو للسيف للبوسه الرگاب
وارد اعيشنج صدگ مو بس خيال
ماتفرح الضامي ضحكات السراب
عقله موش براسه المفارگ عزيز
باله مايصفه الغفه بروحه الغياب
ونستي الضلمه شكثر بيها اشتهيج
نامي وانا بكل حلم تلگيني طاب
العين تيتم لوّن مامرها طيف
السؤال يموت لوضاع الجواب
تثگل ذنوبي وتره الدنيا امتحان
وانا مو يوسف وافك لروحي باب
والوي جف الدنيا بس يمج اضيع
دوم ماجني اللوه بجفه الصعاب
ووگفت الساعه ومشه بروحي إنتظار
وهلن دموعي وبده بروحي المصاب
وردت ايام المدارس والحنين
من جنت الگه الرسايل بالكتاب
وانتي لو متحرك احساسج؟هواج؟
جا عرگ بيج الحجي وفز التراب
وانا كتلج لاتأمنين اليجون
دنيا تضحك للخطأ بعين الصواب
صدگي بالجذبه ولاراي الغشيم
تموت سالفة السمه گبال الضباب
انا گد حجايتي وما انطي بيج
انا مو ذاك التختّل بالنگاب
واحنه متعودين نضحك للجروح
العشگ مابي لذه لو مابي عذاب
وعشنه بالدنيا شكثر بس مادريت
مدري ليش العيد يكشخ بالثياب
وفدوه زعليني اريد اندم واجيج
حلوه من نگعد سوه ويبدي العتاب





مصطفى المالكي

[سمراء من قوم عيسى]

وهلن دموعي وبده بروحي المصاب

أنتقاء مميز

[kian al-basrawii]

راقي ك انت

[علي الاسدي**]

سولفيلي حجاية السمره ثواب
جميله جدا عاشت الايادي