احبك تكره ظنوني...
أحبك.. إي وحـﮓ السيف من يجدح عطش للدم
ردت روحي نجم واتحزّم دروبك
وامر بـﮕلب عدوانك لهيب السم
واحبك تكره ظنوني...
واظنك ما تجي وياي للدنيا بلايه الهم
أحبك جرح متغاوي وعرس مذبوح يوميّه
بخت ينراد لك.. وآني العمر مرهون..
بعيوني الجرح يلتم
واعيّد يوم اشوفك دم
وافرع للفرح من توصل النا شراع
واموتن من تجي الـﮕصه نذر الـﮕاع
اموتن... ليش اموت بوحشتك..
والليل الك وداك
ياخذني العمه لدربك... يدولبني الدرب...
ومعاتت آني وياك
مغسول بضوه عيوني وترس روحي ردس ممشاك
هاك.. هاك إشظل بعد بيَّ...
وإخذ كل ما ﮔلت لك هاك
إنتَ هناك.. بيرغ عاشـﮓ الريح الشماليه
علي الشباني
رد مع اقتباس
