لهسه حجايتج من گـلـتـي راح اشـتـاگ
تـتـمـرجـح بـروحي حـجايــة بـنــيــه
تاخذني عـلـه غـفـلـه وتـنـفرد بــيــه
واسولف ع الـطيــور وٲمنتهن حـيــــل
والگه سوالفي بكل شـجره مـحـجـيــه
لهسه حجايتج من گـلـتـي راح اشـتـاگ
وانــا عـلـــه الـدرب دگـيــت رجـلـيـه
الورده البـيـنه الساگـيهه كـاسـج لـون
ذبـلـت وانــا صـافـن بـيـهـه يـومـيــه
شـگـد وادم تمر واسـمـعهم يـگـولـون
النـده زعـلان مـدري الورده موهـيـه ؟
حجي عذري شكثر بين الگـصب والهـور
اكشـخـيـلي بنفس واكشـخـلـج بـريــه
كسري جناحي قيديـني واذا مـا اطـيــر
انـت اول قـفـص بـي مـعـنـه حــريـــه
مـــــــــــو دوم اليغيم فوگج تذمــــي
بعيــون الفلــح كل غيمــه ترجيــــــــه
بـدروبـج لـگـيــت مـنـاطـري ومـگـفــاج
ومـواعـيـد شـكـثـر ع الكـــاع مـجـفـيـه
حـلـم صـحـره بـخـضـار اتـنطرت مـلـكاج
ويــن الـگـالـي مــنـج ســالـفـة جــيــه
بس ما ادري ليش عيوني تهوه الفيـــــض
اذا عاشگ صدگ ينجـــاب طاريـــــــــــه
مـن يـــــوم العرفتج وانا صرت انســــان
گبلج حالـــي مـــدري شجـــان يـبـنـيـه
م
رد مع اقتباس
