ابوذياتي
حبك صار لجروحي بلاسم
واذا تهجرني اتوفّه بلا سم
ربك خصصك ليّه بلاسم
غيرك ابد ما يرهم عليّه
رافگني الدهر حبني ولي دار
كف عدواني من صدره ولي در
رمم كل غرف گلبي وليدار ( ولجدار)
ويابك گعدك باحسن زويه
اشكر ربي ويايه جمعكم
وعساكم دوم مبروكه جمعكم
اسأل ربي ميفرق جمعكم
وانه وياكم بمكه سويه
يگلولي التحبهه منين مِنهي
گلتلهم ابد ما گول مَنهي
شوفو البصرة وتعرفون منهاي
بلدنه البيهه اطياب وحميّه
صديقك من صدگ خيصير مرآت
وسامح من يزل مو مرة مرات
اغم جيت العواذل چنهه مر ات
يمردون الگلب كلهم اذيه
سكن گلبي الالم والضيم حل فيه
بغياب الچان كل قسمي وحلفي
دمر گلبي عبد حسين حلفي
زود ومرجله ونفسٍ ابيه
حال الناس حبينه وعشگنه
اكبر من عشگ ليله عشگنه
حتى الدهر ياعمي عشگنه
ما فد يوم جابلنه الاذيه
الشاعر اسماعيل القريشي
رد مع اقتباس
المشاركة الأصلية كتبت بواسطة al-rawi
