في كُلِ يوماً أستفيقُ لأبتسم
وأراكَ مُنكسراً فيخفتُ عيدي
ولدمعكَ المعريِ ّ أحزمُ ضِحكتي
وكأن جمركَ يشتعل بجليدي
كم مرةٍ هجمت عليكَ ملامتي
وغيومَ صمتِ مخاوفي ورعيدي
مابينَ تحذيري وخيبةِ فكرتي
ودخانِ تهديدي ونارِ وعيدي
قد صار جُرحاً ذاكَ من أرغمتني
وجعلتني أسكنتهُ بوريدي
إن الذي لم تنسهُ ها قد
نسى وطوى قديمَ حنينهِ بجديدِ
ردّت اكسر قرارك من ردّت تحلم
وعلى تَعبك خفت من تنّخذل تندم
يگلبي وداعتك ملتهي الما تنّسى
لاتطره اعله باله ولا مجرب الهم
حلاتك مو سهل كلما تشح تنهاب
الماي البي حياه وكت الغرگ ينذم
ينصاد الصگر بالألف يا الله
وبصّم الدخن تلزَم سرب دلّم
دمعتك غاليه من اطيح كون اطيح
لّجفن المبلل على فراگك دم
يگلبي ليا وكت تعتني الما يشتاگ
وتبذر إحساسك على المايهتم
العلى إيدك مايظل شلفايده من إيعود
يتّبعثر وراك وتلّتفت يلتم
من حنيتك اشگد حذرتني الناس
بس اخجل اگلهم گلبي مايفّهم
عشت لخاطرك من انطعن ماگول
وبحره اصوابي اگبالك اتّكتم
وأهد جرحي وواسي الشايل السچين
واگله اعذرني اذا سچينك اتّألم
چم مره الزعْل منطي احچايه ايصير
واتراجع واطمنك گبل لا تعلم
وارد اضعف مثل ما انته چنت اتريد
أحن لناس منهم إلي الموت أرحم
يگلبي وهذا حدي ابطيبتك مجبور
جربت وشفتها وضعفك اشقدم !
رف لكن على اليستاهّلونك كون
علمن تشب نارك حرگ بي تشتم
على المن مايشوفك بالحلم يومين
الف حسبه اعله باله من القلق تلتم
عليّمدحك وكت ماتختلف وياه
گدام اليريدك بالذكر تنذم
الما يهتز حبل حنجرته وكت الغيظ
وبلحظةّ زعلته ابدمعه يتّلعثم
يگلبي وموهبك ومسامحك عالراح
بس احسب إحسابك باليجي امذمم
دللتك گبل چانت اسنيني اهواي
چنت أعذر واگول من الخطا تعّلم
عمر تجبّر خواطر ناس مايدرون
انه المن ما وراهم خاطره اتهدم
انه بعازةّ گلب يندل الچيّله امنين
يقره الطالع ومن يقترب يسلم
على نيتك بعد ياگلبي ماخليك
تهوه الوادم البيهم اللهُ اعلم
سلّم بس على الـ بالياهلا تلگاك
ماريدك هذاك البلحرب سَلمْ
رد مع اقتباس
