المشاركة الأصلية كتبت بواسطة زنـہوبـہهہ
انتي صحتلي وانتي اجيت.. اي شتريدن
هلا بيج
نرجع للاسئله
تمام
وين ادورك وانت شعره ،،
ومنـي ضاعت
ضايعلج شي وادورين عليه ومالكيتي للهسه
اي تلفون هههه
لـماذا الإنسان لايطير ، ؟ ...
لا تكليلي ماعده جناحات ≈ خل نشوف خيالج
منو گال ميطير ؟
الانسان ميطير لان ميعرف
وهالشي ميمنع ان الانسان يكدر يطير
حليلي هاي االمساله بما انتي ماستر وكذا
X = 0
y = -3
تعرضتي لتحدي صعب بحياتج وشنو كان هذا التحدي
انو اوصل للمكان اللي اني هسة بيه ووصلت وحاليا اني بتحدي وان شاء الله يخلص بالنجاح
ياشهر ولادتج وشنو برجج
شهر نوفمبر ١١ برجي العقرب
ليش فرضتي ووبشده اتكولين اسم كليتج منين خايفه مثلا قابل رح نجي نخطفج
نطيني سبب مقنع غير انو هاي خصوصيه ≈^
الاعظمية جبيرة مو صغيرة بيت وبيتين كذلك تشبه الجامعات كلية الهندسة فرع الكترونيك موجود بجامعات محدود مو هواية السبب ما اريد التقي باي احد باي طريقة كانت
يعني ماخفتي من ذكرتي نتي من الاعظيمه ولكن ماقبلتي تكولين بيا جامعه تخافين يعرفوج مثلا الجامعه جبيره وبيها هوااي طلاب واحنه ماشايفين صورتج حته نكدر نعرفج او احد يشوفج بالصدفه ويعرفج
هسه اني كلها تعرفني ادوام بالاعداديه المهنيه اليم المحافظه ..اشو محد ضايقني بشي ولا نخطفت ≈
جاوبت فوك / اساسا مو صحيح اني اكتب معلومات بهالخصوصية بمواقع التواصل لان منعرف منو ممكن يراقب ويتابع ما عدا الاعضاء
شلونها صورتج بالجنسيه
صاكة 
اعربي ماتحت الخط
قال تعالـى واوصاني بالصلاه والزكاة
مادمت حيا
ما - مصدرية حرف مبني على السكون لا محل له من الإعراب
، دام - فعل ماض مبني على السكون لاتصاله بضمير رفع
والضمير المتصل في محل رفع اسم دام .
حيا - خبر ما دام منصوب بالفتحة .
ادخلي كان واخواتها ع العبارة االاتيه
الطفل نام
كان الطفل نائما
شنو الفرق بين الربط التوازي والتوالي
من ناحية قوّة التوصيل أقوى التوازي من التوالي
اتجاه التيار بالتوازي ينقسم الى اتجاهين أو أكثر بينما التوالي اتجاه واحد فقط
قيمة التيار
في حالة التوازي يقوم التيار بالانقسام على عدد ال ports
التوالي لا ينقسم ولكن تنقسم فيه قيمة الفولطية
مجموع المقاومات
1/Rt=1/R1+1/R2+1/R3
(Rt=rR1+R2+R3)
قابل للتجزئة بينما التوالي
غير قابل
اعربي الجمله
ان الذين امنوا وعلموا الصالحات
احد دازج علية هههه ما احب العربي
إن - حرف توكيد ينصب الاسم ويرفع الخبر، مبني على الفتح لا محل له من الإعراب
الذين - اسم موصول مبني على الفتح في محل نصب اسم إن .
آمنوا :
آمن - فعل ماض مبني على الضم لاتصاله بواو الجماعة.
الواو - ضمير متصل مبني على السكون في محل رفع فاعل.
الواو - حرف عطف مبني على الفتح لا محل له من الإعراب.
عملوا :
عمل - فعل ماض مبني على الضم لاتصاله بواو الجماعة.
الواو - ضمير متصل مبني على السكون في محل رفع فاعل.
الصالحات - مفعول به منصوب وعلامة نصبه الكسرة بدلا عن الفتحة لأنه جمع مؤنث سالم.
شنو الفرق بين
إنّ و انَ
كل اللي اتذكرة من قواعد السادس وحدة تنصب (إن) وهي من اخوات إن وكإن ليت لعل ،، ووحدة تجزم أن
شنو تعنيلج الكلمات الاتيه
الامل مهم لكن من ثانويات حياتي
الابتسامه
المحرك الاساسي للعلاقات حتى تبقة
الضحكه
حياتي اضوج افرح اكضيهة ضحك الضحك مفيد للقلب
الجرأة
الجرأة اذا كانت بمكانها الصحيح وبوقتها وبتفكير شي كلش مفيد وجميل والا تكون حماقة
البراءه
ممم برايي كل الناس ابرياء طالما همة ما يؤذون المقابل حتة لو ضايقو نفسهم المهم مياذي المقابل .. بعدها بمجرد يبدي ياذي المقابل او يمارس الانتقام انعدمت البراءة بيه
المدير
الحزم ودكتاتورية مع عدالة
البحر
السهل الممتنع
الشمس
شعلة صغيرة
السياره
اريد اشتريهة هههه
القلم
لسان الشاعر
الورقه
فم الشاعر
الصديق
كل الحياة والاهم انسان اني اختارة يكون بهالمكان
الاخ
ماعرف
الاخت
ياحبذا ان كانت صديقة والا هية علاقة مفروضة على المقابل لازم يتقبلهة
الام
النفس اليصعد
الابو
عمودي الفقري
الطفل
ما احب الاطفال بس احب اشوفهم من بعيد يجوز يختلف هالشي باطفالي
السكران
خطية انقهر عليه
الهدوء
مهربي من كلشي
الرعب يتركني الصديق اللي اذكرة بكتاباتي واللي اخاطبة بالمدونة
المرض
هوة وينة غير يجي .. يا مرحبا بعدو نافع
التفائل
هههه كلش مهم ولو كان عندي بنسبة اعلى بعد جان وصلت اماكن افضل بس هاي اني بعد شسوي
الاحباط
اعرفة لحظات فقط وراها انساه
اليائس
يحتاجلة اثبات
الكياتهه اي رقة متتجاوز الى الابتذال
الاهتمام
حجر اساسي بأي علاقة
المومن مبتلـى شتعبريها
اعتبرها المؤمن مبتلى
الناس صنفان ام اخ لك في الدين او نظير لك في الخلق ...منو نضريج بالخلق
ههههه مثل اسئلة سام / هواية اكو نظائر بالخلق لكل شخص
اعطيت للفقيرا ثوبا
حددي المفعول به الاول والمفعول به والثاني و وين الفاعل
هم عرررربي هههه
الفقير م.به اول ، ثوبا م.به ثاني .. واني الفاعل هههه التاء الضمير المتصل هو الفاعل
تحبين الجكليت
كلللش
عدكم سياره بلبيت
اي
ابو الخط شكد ياخذ منج للجامعه لو مكضيتها عبريه
عبرية ما احب الالتزام بالخطوط لهذا اريد سيارة شوية تزيد من حريتي العبرية تزعج
كلمة تهديها لـ
ايه الساعدي
صديقة ميس لتعوفيها ميس حبابة اوكفي وياها توكف وياج كذلك
ميس
هاج حظن
تين
هههه اهديتلهة البارحة كلااام مو كلمة (نفسة تين رجعي اقري الهمسات عود 
)
ود
راسلتني اليوم شكرا .. احب اسمج زميلة عزيزة علية اسمهة هم مثلج
اني
ديري بالج من الحية
براءه
هاج وردة 
تعرفين ترسمين رسم هندسي ثلاثي الابعاد +
اي طبعا الايزو عشق
شلون تعلمتي الرسم الهندسي او صار عدج سهل ≈
اني احب التفاصيل والدقة لهذا جنت احبة وتفوقت بيه كلش
تعرفين اتخيطين
اساسيات يعني بلوز تنورة باف هيج يعني مو هواية
تعرفين تغنين او تقرين شعر لو صوتج ميساعد ≈
بس بالقران حلو ..
الاضافر مخبـى ابليس. ..تربين اضافر
لا ما احبهن بس معتنية بيهن لاظافري
ﯛعلْہ ٲبن الحرام ، هانت العشره "∞ لمن تكوليها
لاتكليلي محد
محد 
شنو وجهه نضرج للمراه
العانس
لتضوجين معناها محد يستحقج واذا ما اجة اللي يستحقج معناها الله ضاملج شي كبير توكلي عليه والحياة ممكن تمشي بدون رجال / صح اكو يعانون نساء لان يعيشن بييت الاخوة وغيرها لكن لكل شي ثمن الله ضاملج احتمال شي كبير لذلك لازم تكونين اهل الة وتستحقيه /
الارمله
اذا كان زين واخذة منج حاولي تصيرين افضل حتة يجيج الاحسن او اللي مثلة واذا ما اجاج اوجهلج الكلام اللي كلتة للاخت اعلاه
المطلقه
انتي بالذات انتي اوجهلج كلام تبمون وبومبا ( لما الدنيا تديك ظهرها .. ادي ظهرك للدنيا )
الغريب ان الناس يحتقرون المطلقة مع ان خير البشر سيد العالمين كلهم اتزوج مطلقة تجي الانسان البسيط تتدلل وتكول اوويي شنو مطلقة احب اكلك شدتحس =_=
لتضوجين بس الاهم سبب الطلاق تعرفيه وتدرسيه زين باعتبار ( وللانسان على نفسه بصيرة ولو القى معاذيره)
اذا كان انتي السبب نكدر تعتبر عقربة صغيرة الج تعلمي الدرس وكوني افضل اعرفي شلون المفروض الزوجة تقدم لزوجهة لان هوة بعد الله ولي عليهة
اما اذا كان السبب منة وبدون ما نقشمر نفسنة ومباشرة ننزه نفسنة عن العيب لا ممكن العيب من عدنة احنة النسوان ونذبهة براسة خوفا من المجتمع
وهالشي خطا لازم نصلح النفس ونقومهة ونتعلم شلون لازم تصير الحياة الزوجية مثالية احنة منكدر نوصل للمثالية التامة لكن ممكن نوصل لما يشابهها
هل الزواج يزيد من المراه شيئا
الزواج للرجل اساسي للمراة تكميلي
عدنا مدرسه تكول المراه مثل الورده اذا يشمها رجال تذبل ...برايج المراه ليش تذبل ورا العرس
لا متذبل بالعكس الزوج اذا هية عرفت تعاملة بحيث يبقى هوة يسقيهة كلام حلو معاملة لطيفة علاقة زوجية صحيحة ابببدا متذبل وتبقة متفتحة
لكن الرجل مو مثل المراة دواخلة لهذا يحتاج اللي تجذب عقلة وقلبة سوة
عاد هنا لازم المراة تتعلم شلون توفر كل متطلباتة بدون ملل وكوون اببد ميجي يوم واحد يكول للاخ اني هيج سويتلك
وكذلك اني اكول فترة الخطوبة كلش مناسبة مو للغراميات بس انما واحد يعرف تفاصيل الاخر شيحب بالتعامل شيكره (مو تحب يالون واني احب يا ملابس)
وكذلك ياخذون وقتهم بترتيب نمط التعامل بحيث الاثنين يعبرون بحرية عن رغباتهم
عود ليش المراه تتحمل كلشي
منو گال الرجل متحمل اكببر شي واللي هوة نازل للمجتمع يقاتل ويقاوم ويصرف طاقة وتعب وعمر بس حتة يوفرلهة اللي تريدة ويحميهة من يريد احد يسويلهة شي هوة يكون الدرع ( طبعا بحالة كان عندة غيرة)
تجي هنا هية متتقبل تتحمل مسؤوليتهة ووظائفهة وتكول ليش اتحمل كلشي
لو اليوم شفتي واحد سكران يمشي بشارع
تحتقرينه لو تنقهرين عليه
انقهر عليه خطية معرف يتصرف وراح سكر لو لكة احد يقومة مجان سوة هيج
واحتمال لاكي احد يقومة لكن ماعرف يقاوم نفسة الشهوانية وراح سوة المعصية اتمنالة الشفاء
لكل من يسوي خطا ويغضب الله ويعصي االله
وجههي له نصيحه
الله يحبنة كلنة وينطينة ويقدملنة انت عاد شوية قلل من الاخطاء لتصير معصوم بس قلل الاخطاءبحقة رح تشوف حسااك شلون تبدي تتعدل
لا تنهي عن خلق وتاتي بمثله
نهيتي عن شي ونتي مسويته
ما اتوقع احتمال من انتهت تجربتي بشي معين نهيت المقابل يدخل بيهة
لو ششفتي منكر كدامج وطلبوا منج تغيرنه
شلون تغيرنه ...
حسب الموقف
فد يوم تتوقعين تصيرين باحثه اجتماعيه
من اهدافي
بما انتي من الاعظيمه لو جبرتج الضروف تعيشين بالريف رح تتقبلين هالشي لو لا وتحلبين البقره
لا بقرة ما احلب بس احب الريف
البقره من تختنك شنو انشممها
ما اعرف
شايفه من نصعد بسياره ونفتح الجامه والهوا بوجهنا كلش قوي
اليسوق الدراجه شلون ≈
يلبس خوذة
