من غيري چذب ما تعله هيهات
ولا جنحك يعلي اويه الحمامات
يبو جسم الچبير وعقل الزغير
حديدة البندقيه ابلايه طلقات ؟؟
الفخر مو للعدل ومدنگ الراس
الفخر للما يدنگ راسه ويموت
الخشب نفس الخشب لكن فرق بي
خشب غرفة زواج وخشب تابوت ؟؟
ومو كلمن يمد چف ايده معتاز
ولا كلمن دمعته اتسيل مو زين
أكو يمد چفه لكن ينطي للناس
واكو تنزل دمعته بحب الحسين
گبل جارك أخوك ويستر البيت
وهسه الدغش بگلوب الجوارين
گبل عين البشر ما تعرف السوء
وهسه السوء صار امرافگ العين
گبل چانت صرايف ساتره الناس
وهسه الستر شح رغم الحياطين
گبل چانت الغيره مبينه بالراس
وهسه الغيره ختلت بالروازين
گبل چان التقرظه يردهن بساع
وهسه الي تقرظه يگول بعدين
گبل چان اليخون تعده بل أيد
وهسه الأيد ما تكفي الملاين
گبل چان التچهبه يردك بخير
وهسه الي تچهبه يگلك منين
ألرحمن چان يطوف البيوت
وهسه اطوف يا وسفه الشياطين
علي لا تطغه وانه المنگبل جاي
يل هسه صرت لا تسحگ الطين
أخاف اعليك تزلگ ألعب بعيد
وللفرسان خليهه الميادين
رد مع اقتباس
